معروف پاکستانی فلم ساز سید نور کا کہنا ہے کہ ٹک ٹاک اسٹار جنت مرزا کو اپنی فلم میں کاسٹ کرنا ان کے لیے ’تباہ کن فیصلہ‘ ثابت ہوا۔
نجی ٹی وی پروگرام میں گفتگو کرتے ہوئے سید نور نے اپنی فلم تیرے باجرے دی راکھی کی باکس آفس پر ناکامی سے متعلق کھل کر اظہارِ خیال کیا۔ انہوں نے کہا کہ فلم انتہائی محنت سے تیار کی گئی تھی تاہم شائقین سینما گھروں تک نہیں آئے۔
جنت مرزا کا فلم میں لینا تباہ کن فیصلہ تھا!!🤣
سید نور نے ٹک ٹاکرو کی فلموں میں آنے کے راستے بند کردئیے!!
جنت مرزا کو دیکھنے کے لیے کوئی سنیما آیا ہی نہیں!! pic.twitter.com/97iX5yVjYA— ZEShan ⚫ (@zeshmohmand) May 6, 2026
سید نور کے مطابق ناظرین یہ سمجھتے تھے کہ جنت مرزا کو وہ ٹک ٹاک پر باآسانی دیکھ لیتے ہیں تو انہیں دیکھنے کے لیے سنیما جانے کی ضرورت نہیں۔
انہوں نے کہا کہ ماضی میں فلمی ستاروں کی ایک مضبوط فین فالوونگ ہوا کرتی تھی اور لوگ اپنی پسندیدہ شخصیات کی فلموں کا بے صبری سے انتظار کرتے تھے۔ ان کے بقول اگر وحید مراد، ندیم یا جاوید شیخ کی فلم ریلیز ہوتی تو شائقین خصوصی طور پر سنیما کا رخ کرتے تھے۔
یہ بھی پڑھیں: صرف 30 لاکھ روپے میں ’سادگی‘ سے شادی، جنت مرزا کی بہن نے اہم اعلان کردیا
فلم ساز نے موجودہ دور کے اداکاروں کے حوالے سے کہا کہ اب وہ فین فالوونگ باقی نہیں رہی جس کے باعث لوگ کسی فلم کا شدت سے انتظار کریں۔ ان کے مطابق آج کل فلموں کی کامیابی زیادہ تر ٹی وی اور ڈیجیٹل پلیٹ فارمز پر ہونے والی پروموشن پر منحصر ہو چکی ہے۔
سید نور نے پاکستانی سینما انڈسٹری کے زوال پر بھی افسوس کا اظہار کرتے ہوئے کہا کہ ماضی میں خواتین بھی فلموں میں اداکاراؤں کے ملبوسات اور انداز دیکھنے کے لیے سینما جات کا رخ کرتی تھیں مگر اب سینما ہال پہلے کی نسبت ویران دکھائی دیتے ہیں۔
یہ بھی پڑھیں: جنت مرزا نے سنیما کے مقابلے میں ٹک ٹاک کا انتخاب کیوں کیا؟
واضح رہے کہ تیرے باجرے دی راکھی عیدالفطر 2022 کے موقع پر ریلیز کی گئی تھی۔ فلم میں جنت مرزا اور عبداللہ خان نے مرکزی کردار ادا کیے، جبکہ دیگر کاسٹ میں صائمہ نور، مصطفیٰ قریشی، بابر علی اور افتخار ٹھاکر شامل تھے۔
