پاکستان کرکٹ بورڈ (پی سی بی) کے چیئرمین محسن نقوی ایک روزہ دورے پر بنگلہ دیش کے دارالحکومت ڈھاکا پہنچ گئے ہیں۔
میڈیا رپورٹس کے مطابق دورے کے دوران محسن نقوی بنگلہ دیش کرکٹ بورڈ کے عہدیداران سے ملاقاتیں کریں گے، جن میں آئندہ ایشیا کپ سے متعلق امور پر تفصیلی تبادلہ خیال متوقع ہے۔
یہ بھی پڑھیں: محسن نقوی نے بھارتی اعتراض رد کرتے ہوئے ایشین کرکٹ کونسل کا اجلاس بنگلہ دیش میں طلب کرلیا
ذرائع کے مطابق چیئرمین پی سی بی، بنگلادیش کرکٹ بورڈ کی ایڈہاک کمیٹی کے سربراہ تمیم اقبال سے بھی ملاقات کریں گے۔
Chairman PCB Mohsin landed in Dhaka. Mohsin Naqvi schedule to meet BCB officials and and other Govt dignitaries #PAKvBAN #WTC pic.twitter.com/kgUs9rRIDK
— Shakeel Khan Khattak (@ShakeelktkKhan) May 8, 2026
ملاقات میں ایشیا کپ 2027 کی تیاریوں اور دیگر انتظامی معاملات پر گفتگو ہوگی۔
مزید پڑھیں: پاکستان، بنگلہ دیش ویزا فری معاہدہ، بھارت کو پریشانی کیوں لاحق ہوئی؟
واضح رہے کہ ایشیا کپ 2027 کی میزبانی بنگلہ دیش کو سونپی گئی ہے۔
محسن نقوی اپنے دورۂ ڈھاکا کے دوران پاکستان اور بنگلہ دیش کے درمیان کھیلے جانیوالے ٹیسٹ میچ کے پہلے روز کا کھیل بھی دیکھیں گے۔
قبل ازیں ایئرپورٹ پر بنگلہ دیش کے سیکرٹری خارجہ اسد عالم صائم، سیکرٹری داخلہ ابو نعیم اور بنگلہ دیش کرکٹ بورڈ کے چیف ایگزیکٹو آفیسر ناظم الدین نے ان کا استقبال کیا۔ اس موقع پر بنگلہ دیش میں پاکستان کے ہائی کمشنر عمران حیدر بھی موجود تھے۔
