ترک وزیر خارجہ حکان فیدان نے فلسطینی تنظیم حماس کی شوریٰ کونسل کے سربراہ محمد درویش اور ان کے وفد سے انقرہ میں ملاقات کی، جس میں غزہ اور خطے کی مجموعی صورتحال پر بات چیت کی گئی۔
مزید پڑھیں:یورپ ترکیہ کے بغیر نامکمل اور بحرانوں سے نمٹنے میں کمزور رہے گا، رجب طیب اردوان
ترک وزارت خارجہ کے ذرائع کے مطابق ملاقات میں غزہ میں دیرپا امن کے قیام کی کوششوں، انسانی امداد کی فراہمی اور دیگر علاقائی امور پر تفصیلی تبادلہ خیال کیا گیا۔
حکان فیدان نے کہا کہ خطے میں جاری جنگ فلسطینی مسئلے کو پس منظر میں نہیں دھکیل سکتی۔ انہوں نے کہا کہ ترکی غزہ اور مقبوضہ مغربی کنارے میں اسرائیلی اقدامات سے پیدا ہونے والے انسانی بحران کو عالمی برادری کی توجہ کا مرکز بنائے ہوئے ہے۔
ترک وزیر خارجہ نے غزہ میں اسرائیل کی بڑھتی ہوئی موجودگی اور انسانی امداد کی ترسیل میں رکاوٹوں کو ناقابل قبول قرار دیا۔
انہوں نے فلسطینی کاز کے لیے عالمی حمایت، خصوصاً اسلامی ممالک اور فلسطین کی حمایت کرنے والی ریاستوں کے کردار کو اہم قرار دیتے ہوئے کہا کہ ترکی اس حوالے سے اپنا فعال کردار جاری رکھے گا۔
مزید پڑھیں:آبنائے ہرمز سے بارودی سرنگیں ہٹانے کی پیشکش، ترکیہ کا ایران امریکہ معاہدے کی صورت میں تعاون کا اشارہ
حکان فیدان نے اس بات کا اعادہ بھی کیا کہ ترکی فلسطینیوں کو غزہ چھوڑنے پر مجبور کرنے کی کسی بھی کوشش کی مخالفت کرتا ہے۔
