ون نیشن پارٹی نے آسٹریلیا کی تاریخ میں پہلی بار ایوانِ نمائندگان کی نشست جیت کر اہم سیاسی کامیابی حاصل کرلی۔ ابتدائی انتخابی نتائج کے مطابق جماعت کے امیدوار ڈیوڈ فارلے نے ریاست نیو ساؤتھ ویلز کے جنوب مغربی حلقے فرر میں ہونے والے ضمنی انتخاب میں واضح برتری حاصل کرلی ہے۔
مزید پڑھیں: آسٹریلیا کی جانب سے بی ایل اے اور 3 سینیئر رہنماؤں پر دہشتگردی کے الزامات کے تحت پابندیاں عائد
یہ جماعت کی 30 سالہ تاریخ میں پہلی مرتبہ ہے کہ اسے ایوانِ زیریں میں نمائندگی ملی ہے۔ جماعت کو آسٹریلیا میں سخت گیر دائیں بازو کی سیاست سے جوڑا جاتا ہے۔ ڈیوڈ فارلے نے کامیابی کے بعد کہا کہ جماعت اب نئے دور میں داخل ہو چکی ہے اور اس کی مقبولیت تیزی سے بڑھ رہی ہے۔
Breaking:
🇦🇺 Australia’s right-wing One Nation party has secured a historic parliamentary breakthrough after winning its first-ever seat in the House of Representatives.
Candidate David Farley won the Farrer by-election, marking a major victory for Pauline Hanson’s populist… pic.twitter.com/ZqSx829NDf
— World Order (@KoinConsole1) May 9, 2026
انہوں نے ماضی میں سخت امیگریشن پالیسی، زرعی اصلاحات اور مہنگائی میں کمی کے حق میں مؤقف اختیار کیا تھا۔ ان کا کہنا تھا کہ آسٹریلیا کی امیگریشن پالیسی ملک کی لیبر مارکیٹ اور زرعی ضروریات کے مطابق ہونی چاہیے۔
مزید پڑھیں: شام سے واپس آنے والی داعش سے منسلک 3 خواتین آسٹریلیا میں گرفتار
انہوں نے کہا کہ ایسے افراد کی حوصلہ افزائی نہیں کی جائے گی جو ملک پر معاشی بوجھ بنیں، جبکہ حکومت کی پالیسیاں دنیا نہیں بلکہ آسٹریلیا کے مفادات کے مطابق بنائی جائیں گی۔
یہ نشست سینٹر رائٹ لبرل پارٹی کی سابق رہنما سوسان لے کے استعفے کے بعد خالی ہوئی تھی۔
آسٹریلوی پارلیمان میں اس وقت آسٹریلین لیبر پارٹی کو 150 میں سے 94 نشستوں کے ساتھ اکثریت حاصل ہے، تاہم سیاسی تجزیہ کار اس کامیابی کو دنیا بھر میں دائیں بازو کی عوامی جماعتوں کی بڑھتی مقبولیت کا حصہ قرار دے رہے ہیں۔
