لاہور ہائیکورٹ نے وزیراعلیٰ پنجاب مریم نواز کی جانب سے بطور ضمانت جمع کرائی گئی 7 کروڑ روپے کی رقم واپس کرنے کی درخواست منظور کرلی ہے۔
یہ بھی پڑھیں: کیا بشریٰ بی بی کی رہائی کے لیے مریم نواز نے سفارش کی؟
چیف جسٹس لاہور ہائیکورٹ عالیہ نیلم کی سربراہی میں قائم 3 رکنی بینچ نے چوہدری شوگرملز کیس میں بطور ضمانت جمع کروائے گئے 7کروڑ روپے واپس کرنے کی درخواست پر سماعت کی، عدالت نے متعلقہ حکام کو ہدایت جاری کی ہے کہ مریم نواز کو ان کی جمع کرائی گئی رقم فوری طور پر واپس کی جائے۔
واضح رہے کہ یہ رقم چوہدری شوگر ملز کیس میں ضمانت حاصل کرنے کے لیے بطور گارنٹی عدالت میں جمع کرائی گئی تھی۔
یہ بھی پڑھیں: چوہدری شوگر ملز کیس : سپریم کورٹ نے مریم نواز کو ریلیف دے دیا
اب چونکہ نیب کی جانب سے یہ کیس ختم ہو چکا ہے، اس لیے مریم نواز نے اپنی رقم کی واپسی کے لیے عدالتِ عالیہ سے رجوع کیا تھا، جسے عدالت نے قانونی تقاضے پورے ہونے پر منظور کر لیا ہے۔
