عیدالاضحیٰ کی آمد کے پیشِ نظر اسلام آباد میں 6 مقامات پر سرکاری مویشی منڈیاں قائم کر دی گئی ہیں۔ انتظامات کا جائزہ لینے کے لیے اسسٹنٹ کمشنرز نے مختلف منڈیوں کا دورہ کیا جہاں پارکنگ، صاف پانی کی فراہمی، صفائی ستھرائی اور دیگر سہولیات کا معائنہ کیا گیا۔
مزید پڑھیں: ملک بھر کی مویشی منڈیاں وقت سے پہلے کیوں خالی ہوئیں؟
اسسٹنٹ کمشنرز نے منڈیوں سے ملحقہ شاہراہوں پر ٹریفک کی روانی کا بھی جائزہ لیا جبکہ بجلی اور دیگر بنیادی سہولیات کی دستیابی کو یقینی بنانے کی ہدایت کی گئی۔ڈپٹی کمشنر نے ہدایت جاری کی ہے کہ دور دراز علاقوں سے آنے والے بیوپاریوں کو منڈیوں میں ہر ممکن سہولت فراہم کی جائے۔ انتظامیہ کے مطابق سرکاری منڈیوں کے علاوہ کسی بھی مقام پر مویشیوں کی خرید و فروخت کی اجازت نہیں ہوگی۔
مزید پڑھیں: اسلام آباد میں مقررہ مقامات پر 5 مویشی منڈیاں لگائی جائیں گی، ڈپٹی کمشنر
انتظامیہ نے خبردار کیا ہے کہ شاہراہوں یا دیگر مقامات پر عارضی منڈیاں قائم ہونے کی صورت میں متعلقہ اسسٹنٹ کمشنرز سے بازپرس کی جائے گی۔ شہریوں سے اپیل کی گئی ہے کہ وہ صرف سرکاری مویشی منڈیوں سے ہی جانور خریدیں۔
