چیف جسٹس پاکستان جسٹس یحییٰ آفریدی کی سربراہی میں سپریم جوڈیشل کونسل کا اہم اجلاس شروع ہوگیا ہے، جس میں ججز کے خلاف زیرالتواء شکایات اور اسلام آباد ہائیکورٹ کے سابقہ 6 ججز کے خط کا جائزہ لیا جا رہا ہے۔
چیف جسٹس پاکستان جسٹس یحییٰ آفریدی کی سربراہی میں سپریم جوڈیشل کونسل کا اجلاس شروع ہوگیا، جس میں اعلیٰ عدلیہ کے ججز کے خلاف زیرالتواء شکایات کا تفصیلی جائزہ لیا جا رہا ہے۔
یہ بھی پڑھیے لاہور ہائیکورٹ کے 4 ججز کے خلاف سپریم جوڈیشل کونسل میں شکایت دائر
ذرائع کے مطابق اجلاس میں اسلام آباد ہائیکورٹ کے سابقہ 6 ججز کی جانب سے لکھا گیا خط بھی زیر غور آئے گا، جس پر کونسل قانونی اور آئینی پہلوؤں کا جائزہ لے گی۔
ذرائع کا کہنا ہے کہ سپریم جوڈیشل کونسل مختلف شکایات کا جائزہ لینے کے بعد یہ فیصلہ کرے گی کہ متعلقہ ججز کے خلاف کارروائی کو آگے بڑھایا جائے یا شکایات نمٹا دی جائیں۔
یہ بھی پڑھیے ایک حاضر سروس جج کے خلاف کارروائی صرف سپریم جوڈیشل کونسل کر سکتی ہے، جسٹس خادم حسین
اجلاس کو عدالتی نظام میں احتساب اور شفافیت کے تناظر میں اہم قرار دیا جا رہا ہے، جبکہ قانونی حلقوں کی نظریں کونسل کے ممکنہ فیصلوں پر مرکوز ہیں۔
