آزاد کشمیر کے سابق صدر اور وزیر اعظم سردار یعقوب خان نے کہا ہے کہ موجودہ حالات میں کشمیر کے مسئلے کا پائیدار حل صرف بات چیت اور پرامن مذاکرات کے ذریعے ہی ممکن ہے اور تمام فریقوں کو اسی سمت میں سنجیدہ کوششیں جاری رکھنی چاہییں۔
یہ بھی پڑھیں: ایکشن کمیٹی ہائی جیک ہوچکی، سرینڈر کرنے علاوہ اب کوئی آپشن نہیں، آزاد کشمیر حکومت
انہوں نے کہا کہ ہر شخص کو اس بات کا احساس ہے کہ ایسے معاملات طاقت کے بجائے مذاکرات سے حل ہو سکتے ہیں۔ ان کے مطابق اس حوالے سے مختلف سطحوں پر کوششیں بھی جاری ہیں جنہیں مزید آگے بڑھانے کی ضرورت ہے۔
سردار یعقوب خان نے کہا کہ آذاد کشمیر کے عوام نے ہمیشہ پاکستان اور پاک فوج پر اعتماد کیا ہے اور کشمیری پاکستان اور پاکستان فوج کے ساتھ ہیں۔ انہوں نے کہا کہ بھارت اپنے مزموم عزائم میں کبھی کامیاب نہیں ہو گا۔
انہوں نے کہا کہ پاک فوج نے معرکہ حق میں بھارت کو شکست دے پوری دنیا میں پاکستانیوں کا سر فخر سے بلند کیا۔ جس پر تمام پاکستانی خوش ہیں۔ انہوں نے کہا کہ کشمیری پاک فوج ساتھ شانہ بشانہ کھڑی ہے۔
مزید پڑھیے: آزاد کشمیر: عام انتخابات سے قبل سیاسی جوڑ توڑ، تنویر الیاس پیپلز پارٹی کی بنیادی رکنیت سے مستعفی
انہوں نے کہا کہ کشمیر میں انتخابی مہم جاری ہے امید ہے کہ صاف شفاف انتخابات سے بننے والی اسمبلی مسائل حل کرے گی۔
سردار یعقوب نے زور دیتے ہوئے کہا کہ تمام مسائل کا حل مذاکرات کی میز پر بیٹھ کر نکالا جانا چاہیے اور وہ سو فیصد اس بات کے حامی ہیں کہ کشمیر کا مسئلہ امن، استحکام اور باہمی افہام و تفہیم کے ذریعے حل کیا جائے۔
مزید پڑھیں: آزاد کشمیر انتخابات: مسلم لیگ ن انتخابی مہم کا آغاز کرکے دیگر سیاسی جماعتوں پر بازی لے گئی
سیاسی صورتحال سے متعلق سوال پر بھی انہوں نے کہا کہ موجودہ حالات میں تمام متعلقہ فریقوں کو تحمل کا مظاہرہ کرتے ہوئے بات چیت کا راستہ اختیار کرنا چاہیے کیونکہ یہی دیرپا امن اور استحکام کی ضمانت بن سکتا ہے۔
