پاکستان میں امریکی سفارت خانے نے اعلان کیا ہے کہ لاہور اور کراچی میں امریکی قونصل خانے 20 جولائی 2026 سے باقاعدہ قونصلر خدمات دوبارہ شروع کر رہے ہیں۔
امریکی سفارت خانے کے مطابق لاہور کا امریکی قونصل خانہ امریکی شہریوں کے لیے قونصلر خدمات (U.S. Citizen Services) فراہم کرے گا، جبکہ کراچی کا امریکی قونصل خانہ امریکی شہری خدمات کے ساتھ ساتھ نان امیگرنٹ ویزا (Non-Immigrant Visa) درخواستوں کی کارروائی بھی دوبارہ شروع کرے گا۔
Great news, Pakistan! The U.S. Consulates in Lahore and Karachi are reopening for regular consular services. Lahore for U.S. Citizen Services and Karachi for U.S. Citizen Services + Non-Immigrant Visa Processing. Whether you are applying for a visa or need American citizen… pic.twitter.com/c93D7CoaeP
— U.S. Embassy Islamabad (@usembislamabad) July 8, 2026
سفارت خانے نے امریکی ویزا کے خواہشمند پاکستانی شہریوں اور قونصلر خدمات حاصل کرنے کے خواہشمند امریکی شہریوں کو ہدایت کی ہے کہ وہ اپائنٹمنٹ، اہلیت، مطلوبہ دستاویزات اور دیگر معلومات کے لیے امریکی سفارت خانے کی سرکاری ویب سائٹ ملاحظہ کریں۔
واضح رہے کہ لاہور اور کراچی میں امریکی قونصل خانوں کی معمول کی خدمات رواں سال سیکیورٹی خدشات کے باعث معطل کر دی گئی تھیں، تاہم اب دونوں مشنز 20 جولائی سے اپنی معمول کی سرگرمیاں دوبارہ شروع کریں گے۔
