سپریم کورٹ نے مجموعی طور پر ایک ہزار 32 امیدواروں میں سے کامیاب ہونے والے 669 وکلاء کو لائسنس جاری کر دیے۔
پاکستان بار کونسل کی جاری کردہ 2022 اور 2023 کی تفصیلات کے مطابق جسٹس قاضی فائز عیسی کی سربراہی میں سپریم کورٹ انرولمنٹ کمیٹی نے دو مراحل میں وکلاء کے انٹرویوز کیے، مجموعی طور پر ایک ہزار 32 امیدواروں کے سپریم کورٹ کے لائسنس کیلئے انٹرویوز کئے گئے۔
جاری کردہ تفصیلات کے مطابق مجموعی طور پر 669 وکلاء کوکامیابی پرلائسنس جاری کیے گئے۔ پہلے مرحلے میں 525 وکلاء کے انٹرویوز کئے گئے جن میں سے 339 وکلاء لائسنس کیلئے کامیاب قرار پائے۔
مزید پڑھیں
دوسرے مرحلے میں 507 وکلاء انٹرویوز کیلئے پیش ہوئے، جن میں 330 وکلاء کو سپریم کورٹ کے لائسنس جاری کئے گئے۔
اس طرح مجموعی طور پر 669 وکلا کو انٹرویز میں کامیابی کے بعد سپریم کورٹ میں پریکٹس کے لیے لائسنس جاری کیے گئے۔
