بھارتی ریاست آندھرا پردیش میں ایک نوجوان گانجا (منشیات) کا پیکٹ مانگنے کے لیے موبائل ٹاور پر چڑھ گیا، جس کے باعث علاقے میں خوف و ہراس پھیل گیا۔
مزید پڑھیں: معرکہ حق کا جشن: قطر کے شہر لوسیل میں واقع ٹوئن ٹاورز بھی سبز ہلالی رنگ سے روشن
بھارتی میڈیا رپورٹس کے مطابق ضلع پراکاسم میں ہنومنتھو نامی نوجوان موبائل ٹاور پر چڑھ گیا اور بلند آواز میں گنجا فراہم کرنے کا مطالبہ کرتا رہا۔ واقعے کے بعد بڑی تعداد میں لوگ موقع پر جمع ہوگئے جبکہ خدشہ ظاہر کیا جا رہا تھا کہ نوجوان ٹاور سے چھلانگ نہ لگا دے۔
عینی شاہدین کے مطابق نوجوان مسلسل مقامی زبان میں فریاد کرتا رہا کہ اسے گانجا کا ایک پیکٹ لا کر دیا جائے۔ سوشل میڈیا پر وائرل ویڈیوز میں اسے خطرناک بلندی پر بیٹھے دیکھا جا سکتا ہے۔
پولیس اور ریسکیو اہلکار موقع پر پہنچ گئے اور کئی گھنٹوں کی کوششوں اور مذاکرات کے بعد نوجوان کو بحفاظت نیچے اتار لیا گیا۔ بعد ازاں اسے طبی معائنے کے لیے قریبی اسپتال منتقل کر دیا گیا۔
مزید پڑھیں: نوجوان نے ٹوتھ پک سے 17 فٹ بلند ایفل ٹاور بنا کر گنیز ورلڈ ریکارڈ قائم کردیا
حکام کے مطابق ابتدائی طور پر شبہ ظاہر کیا جا رہا ہے کہ نوجوان ذہنی دباؤ یا منشیات کے استعمال کے باعث اس حرکت پر آمادہ ہوا۔
