برطانیہ کی شاہی شخصیت شہزادی ڈیانا اپنی زندگی کے آخری برسوں میں شدید تنہائی اور جذباتی دکھ کا سامنا کرتی رہیں۔ طلاق کے بعد اپنے دونوں بیٹوں سے دوری انہیں مسلسل رنجیدہ رکھتی تھی۔
مزید پڑھیں: شہزادی ڈیانا کی روایت جاری رکھتے ہوئے پرنس ولیم کی کرسمس پر بےگھر افراد سے ملاقاتیں
شہزادی ڈیانا کے سابق خدمتگار پال بریل نے اپنی کتاب میں لکھا ہے کہ پرانی زندگی، سابق رہائش اور بچوں سے جدائی نے انہیں اندر سے توڑ دیا تھا۔ ان کے مطابق جب وہ ایک روز بچوں سے ملنے گئیں تو بچے بار بار پوچھتے رہے، ’آپ کہاں تھیں؟‘ اور ’آپ واپس کب آئیں گی؟‘ جس پر وہ آبدیدہ ہو گئیں۔
کتاب میں بتایا گیا ہے کہ طلاق کے بعد شہزادی ڈیانا اپنے بیٹوں شہزادہ ولیم اور شہزادہ ہیری سے دوری پر اکثر غمزدہ رہتی تھیں۔ سابق خدمتگار کے مطابق اپنی پرانی رہائش گاہ پر واپس جا کر یادگار اشیا سمیٹنا بھی ان کے لیے نہایت تکلیف دہ مرحلہ تھا کیونکہ ہر چیز انہیں ماضی کی یاد دلاتی تھی۔
مزید پڑھیں:شہزادی ڈیانا کی بہو نیٹ فلیکس پر کون سا شو کرنے والی ہیں؟
واضح رہے کہ شہزادی ڈیانا 1997 میں پیرس میں ایک ٹریفک حادثے میں انتقال کر گئی تھیں، تاہم ان کی زندگی اور جدوجہد آج بھی دنیا بھر میں موضوعِ گفتگو ہے۔
