معروف سماجی شخصیت رمضان چھیپا نے اداکار فہد مصطفیٰ اور مہوش حیات کی عیدالاضحیٰ پر ریلیز ہونے والی ہارر فلم زومبیڈ کی تشہیری مہم میں حصہ لیتے ہوئے نوجوانوں کو منشیات سے دور رہنے کا پیغام دیا ہے۔
تشہیری ویڈیو میں رمضان چھیپا ایک زومبی کے ساتھ موجود دکھائی دیتے ہیں جہاں وہ نوجوانوں کو مخاطب کرتے ہوئے کہتے ہیں ’منشیات سے دور رہیں اور اپنی صحت کا خیال رکھیں ورنہ آپ بھی زومبی بن سکتے ہیں‘۔
View this post on Instagram
ویڈیو منظرِ عام پر آنے کے بعد سوشل میڈیا صارفین نے اس منفرد اندازِ تشہیر پر سوالات اٹھا دیے اور چھیپا صاحب پر شدید تنقید کی۔ عائشہ نامی صارف نے تنقید کرتے ہوئے کہا کہ مجھے چھیپا صاحب والا نشہ کرنا ہے۔ جبکہ ایک صارف نے طنزاً کہا کہ چھیپا صاحب کا اس پرفارمنس پر آسکر ملنا چاہیے۔
ایک سوشل میڈیا صارف کا کہنا تھا کہ زومبی سے گزارش ہے کہ چھیپا صاحب کو کاٹ لے۔ کئی صارفین نے مذاق اڑاتے ہوئے کہا کہ چھیپا صاحب اچھے ہیں بس ان کا کانٹینٹ بنانے والے لوگ نالائق ہیں۔
