پاکستانی کوہ پیما سلمان عتیق نے دنیا کی بلند ترین چوٹی ماؤنٹ ایورسٹ سر کر کے پاکستان کا نام روشن کر دیا۔
یہ بھی پڑھیں: ماؤنٹ ایورسٹ سر کرنے والے 10 پاکستانی
وہ ایورسٹ کی چوٹی پر سبز ہلالی پرچم لہرانے والے پاکستانی کوہ پیماؤں میں شامل ہو گئے ہیں اور اس تاریخی کامیابی کے بعد ملک بھر سے انہیں مبارکبادیں دی جا رہی ہیں۔
سلمان عتیق جمعرات کو مقامی وقت کے مطابق صبح تقریباً 11 بج کر 40 منٹ پر ایورسٹ کی چوٹی پر پہنچے۔ 8 ہزار 848 میٹر بلند اس عظیم پہاڑ کی چوٹی پر پہنچ کر انہوں نے قومی پرچم لہرایا اور پوری قوم کا سر فخر سے بلند کر دیا۔
نیپال حکومت کی جانب سے اس سال دنیا بھر کے کوہ پیماؤں کے لیے جاری کیے گئے 464 پرمٹس میں سلمان عتیق واحد پاکستانی کوہ پیما تھے۔ مختلف ممالک سے تعلق رکھنے والے سینکڑوں کوہ پیماؤں کے درمیان انہوں نے یہ اعزاز حاصل کر کے پاکستان کے لیے ایک نئی تاریخ رقم کی۔
Pakistani mountaineer Salman Ateeque has successfully summited Mount Everest, becoming the 13th Pakistani climber to reach the world’s highest peak during the 2026 Himalayan expedition season.#MountEverest #EverestSummit2026 #PakistanMountaineering #PakClimbers #PakistanTV pic.twitter.com/gi8XWDgaJH
— Pakistan TV (@PakTVGlobal) May 21, 2026
اسلام آباد سے تعلق رکھنے والے سلمان عتیق پیشے کے اعتبار سے الیکٹریکل انجینیئر ہیں اور ٹیلی کام کے شعبے میں تقریباً 25 سال کا تجربہ رکھتے ہیں۔ کوہ پیمائی سے ان کی دلچسپی نے انہیں دنیا کی بلند ترین چوٹی تک پہنچا دیا۔
اس سے قبل وہ گزشتہ سال نیپال میں واقع دنیا کی 8ویں بلند ترین چوٹی ماناسلو بھی کامیابی سے سر کر چکے ہیں جس کے بعد ایورسٹ کی فتح ان کے کیریئر کی ایک اور بڑی کامیابی قرار دی جا رہی ہے۔
مزید پڑھیں: نیپالی گائیڈ 32 بار ایورسٹ سر کرنے والے دنیا کے پہلے کوہ پیما بن گئے
پاکستان میں ایورسٹ سر کرنے کی روایت کا آغاز سنہ 2000 میں معروف پاکستانی کوہ پیما نذیر صابر نے کیا تھا اور سلمان عتیق اب یہ اعزاز حاصل کرنے والے پاکستانی کوہ پیماؤں کی فہرست میں شامل ہو گئے ہیں۔ ان سے پہلے 13 کوہ پیما یہ کارنامہ انجام دے چکے ہیں جن سے پہلے 13 کوہ پیما یہ کارنامہ انجام دے چکے ہیں جن میں نذیر صابر، خواجہ آصف، عبدالجوشی، ثمینہ بیگ، شہروز کاشف، سرباز خان، ساجد سدپارہ، مرزا علی، محمد علی سدپارہ، نائلہ کیانی، سعد بن منور، عمران جنیدی اور قدرت علی شامل ہیں۔
