امریکی صدر ڈونلڈ ٹرمپ نے اعلان کیا ہے کہ امریکا پولینڈ میں مزید 5 ہزار فوجی تعینات کرے گا۔
انہوں نے اس فیصلے کی وجہ پولینڈ کے قدامت پسند صدر کیرول نووروسکی کے ساتھ اپنے قریبی تعلقات کو قرار دیا۔
یہ اعلان ایسے وقت میں سامنے آیا ہے جب گزشتہ ہفتے پینٹاگون نے پولینڈ میں 4 ہزار امریکی فوجیوں کی مجوزہ تعیناتی اچانک مؤخر کر دی تھی، جس کے بعد پولینڈ کے حکام میں تشویش اور ابہام پیدا ہو گیا تھا۔
یہ بھی پڑھیں: امریکا گرین لینڈ حاصل کرنے کے لیے کون سے مختلف آپشنز پر غور کر رہا ہے؟
بعد ازاں امریکی نائب صدر جے ڈٰ وینس نے وضاحت دیتے ہوئے کہا کہ یہ فوجی کمی نہیں بلکہ صرف تاخیر تھی، جبکہ میڈیا نے معاملے کو بڑھا چڑھا کر پیش کیا۔
صدر ڈونلڈ ٹرمپ نے اپنے سوشل پلیٹ فارم ٹروتھ سوشل پرایک بیان میں کہا کہ پولینڈ کے موجودہ صدر کی انتخابی جیت اور ان کے ساتھ ہمارے بہترین تعلقات کی بنیاد پر امریکا مزید 5 ہزار فوجی پولینڈ بھیجے گا۔
یہ اعلان جرمنی سے 5 ہزار امریکی فوجیوں کے انخلا کے فیصلے کے بعد سامنے آیا ہے، رپورٹس کے مطابق امریکا اور جرمنی کے درمیان ایران سے متعلق امریکی واسرائیلی پالیسیوں پر اختلافات بڑھ رہے ہیں۔
🚨 JUST IN: Trump says he’ll be deploying 5,000 troops to POLAND, shortly after WITHDRAWING 5,000 from Germany
If our troops have to be in Europe, Poland is the place for them!
Poland’s President is MUCH friendlier to America than Germany’s chancellor. pic.twitter.com/V0fT3mdJq6
— Smithkent William (@SmithkentWkgm) May 22, 2026
صدر ٹرمپ پہلے بھی اشارہ دے چکے ہیں کہ جرمنی سے نکالے جانے والے فوجیوں کو پولینڈ منتقل کیا جا سکتا ہے۔
انہوں نے صدر کیرول نووروسکی کے ساتھ اپنے بہترین تعلقات کا بھی ذکر کیا تھا۔
تاحال وائٹ ہاؤس اور پینٹاگون نے واضح نہیں کیا کہ پولینڈ بھیجے جانے والے اضافی فوجی وہی دستے ہوں گے جن کی تعیناتی مؤخر کی گئی تھی یا وہ فوجی جو جرمنی سے واپس بلائے جا رہے ہیں۔
مزید پڑھیں: ممکنہ روسی حملے کا خطرہ، برطانوی جنگی طیاروں نے پولینڈ پر پروازیں شروع کردیں
صدر ٹرمپ کئی مرتبہ یورپی نیٹو ممالک پر الزام عائد کر چکے ہیں کہ وہ امریکی تحفظ کے لیے مناسب اخراجات نہیں کرتے۔
میڈیا رپورٹس کے مطابق وائٹ ہاؤس نے نیٹو ممالک کی ایک ‘نائس اور ناٹی’ فہرست بھی تیار کی ہے، جس میں امریکی پالیسیوں، خصوصاً ایران جنگ، کی حمایت کو بنیاد بنایا گیا ہے۔
امریکی تھنک ٹینک کونسل آن فارن ریلیشنز کے مطابق اس وقت یورپ میں تقریباً 80 ہزار امریکی فوجی موجود ہیں۔
مزید پڑھیں: امریکی حکمت عملی میں روس کے لیے نرم مؤقف، یورپی ممالک میں تشویش بڑھ گئی
جن میں سے 38 ہزار سے زائد جرمنی میں تعینات ہیں، جبکہ پولینڈ میں امریکی فوجیوں کی تعداد تقریباً 10 ہزار ہے۔
امریکی وزیر دفاع پیٹ ہیگسیتھ نے پولینڈ کو امریکا کا ماڈل اتحادی قرار دیا ہے۔
دوسری جانب روس نے یورپ میں بڑھتی ہوئی عسکری سرگرمیوں کی مذمت کی ہے۔
روسی حکام کے مطابق مغربی ممالک روسی خطرے کو بڑھا چڑھا کر پیش کر رہے ہیں تاکہ یورپی یونین کو ایک عسکری بلاک میں تبدیل کیا جا سکے۔
