وفاقی حکومت نے عوام کو ریلیف فراہم کرتے ہوئے پیٹرولیم مصنوعات کی قیمتوں میں کمی کا اعلان کر دیا ہے۔
وزارتِ پیٹرولیم ڈویژن کی جانب سے جاری کردہ اعلامیے کے مطابق پیٹرول کی قیمت میں فی لیٹر 6 روپے کی کمی کی گئی ہے، جبکہ ہائی اسپیڈ ڈیزل کی قیمت میں بھی فی لیٹر 6 روپے 80 پیسے کی کٹوتی کر دی گئی ہے۔
واضح رہے کہ حکومت کی جانب سے پیٹرولیم مصنوعات کی قیمتوں میں کمی کا یہ تسلسل برقرار ہے، کیونکہ اس سے قبل گزشتہ جمعے کو بھی پیٹرول اور ڈیزل کی قیمتوں میں 5، 5 روپے فی لیٹر کمی کا اعلان کیا گیا تھا۔
15 دنوں کے دوران قیمتوں میں ہونے والی اس متواتر کمی کو عالمی مارکیٹ میں تیل کی قیمتوں کے اتار چڑھاؤ کا نتیجہ قرار دیا جارہا ہے۔
پیٹرول کی نئی قیمت 409.78روپے سے کم ہوکر 404روپے اور ڈیزل کی قیمت 409.58روپے سے کم ہوکر 404روپے ہوگئی ہے۔
