پشین کے علاقے سرخاب کیمپ میں کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے 4 مبینہ دہشتگردوں کو ہلاک کر دیا۔
یہ بھی پڑھیں: اسلام آباد میں خودکش حملے کا منصوبہ ناکام، خاتون حملہ آور گرفتار، وزیرِ اعلیٰ بلوچستان
سی ٹی ڈی ترجمان کے مطابق کارروائی کے دوران مبینہ دہشتگردوں اور سیکیورٹی اہلکاروں کے درمیان شدید فائرنگ کا تبادلہ ہوا جس کے نتیجے میں چار مشتبہ افراد مارے گئے۔
ترجمان نے بتایا کہ ہلاک ہونے والے افراد کے قبضے سے اسلحہ اور گولہ بارود برآمد ہوا ہے، جس میں دستی بم، دیسی ساختہ بم، بندوقیں اور بڑی تعداد میں گولیاں شامل ہیں۔
سی ٹی ڈی کے مطابق ابتدائی معلومات سے ظاہر ہوتا ہے کہ ہلاک ہونے والے مبینہ دہشتگردوں کا تعلق ایک کالعدم تنظیم سے تھا۔
مزید پڑھیے: بلوچستان: سی ٹی ڈی کی مستونگ میں کارروائی، 5 دہشتگرد ہلاک
ہلاک افراد کی لاشیں قانونی کارروائی کے لیے سول ہسپتال کوئٹہ منتقل کر دی گئی ہیں۔
