علیزے شاہ پاکستانی شوبز انڈسٹری کی ایک انتہائی خوبصورت اور باصلاحیت نوجوان اداکارہ ہیں۔ انہوں نے اداکاری میں اپنے کیریئرکا آغاز بچپن میں ٹی وی اشتہارات سے کیا۔ وہ 2018 میں ٹی وی پر نشر ہونے والی ڈراما سیریل’ عشق تماشا‘سے مشہور ہوئیں۔
علیزے شاہ نے بہت کم وقت میں شہرت حاصل کی، وہ شوبز کی دُنیا میں خوبصورت اور معصوم لگتی ہیں۔ مداح انہیں ٹیلی ویژن اسکرین پر دیکھنا پسند کرتے ہیں۔ علیزے شاہ نے اب تک کئی ہٹ ڈراموں میں کام کیا ہے جن میں عشق تماشا، دل ماں کا دیا، عہد وفا، میرا دل میرا دشمن اور تقدیر شامل ہیں۔
خوبرو اداکارہ نے 10 جون کو ڈراما سیٹ پر اپنی 22 ویں سالگرہ منائی جس کی انہوں نے تصاویر اور 2 ویڈیوسماجی رابطے کی ویب سائٹ ’انسٹاگرام‘ پر شیئر کی ہیں۔
ایک ویڈیو میں انہوں نے اکیلے جب کہ دوسری ویڈیو میں اپنی ٹیم کے ساتھ سالگرہ کا کیک کاٹا۔ شہزاد شیخ بھی ان کی سالگرہ کی تقریب کا حصہ تھے۔ علیزے شاہ نے اپنی ٹیم کو کیک بھی کھلایا۔
دوسری جانب سوشل میڈیا صارفین نے اداکارہ کو تنقید کا نشانہ بناتے ہوئے کہا کہ وہ اپنی جو عمر ظاہر کر رہی ہیں وہ اصل میں اس سے بڑی ہیں۔
علیزے شاہ کے مداحوں کا کہنا ہے کہ ان کی عمر 22 سال ہے۔ ایک مداح نے کہا ’وہ 22 سال کی بھی نہیں لگتیں، وہ 20 سال کی لگتی ہیں۔‘ اب بھی بہت سے لوگ یہ یقین کرنے کے لیے تیار نہیں ہیں کہ علیزے شاہ 22 سال کی ہیں۔ علیزے شاہ کی عمر پر مداح اس طرح تبصرہ کرتے ہیں:
