شنیرا اکرم نے اپنے شوہر اور سابق فاسٹ بولر وسیم اکرم کی 60ویں سالگرہ کے موقع پر سوشل میڈیا پر خصوصی پیغام جاری کرتے ہوئے انہیں سالگرہ کی مبارکباد دی ہے۔
اپنے پیغام میں انہوں نے بھارت کے مداحوں سے مخاطب ہوتے ہوئے کہا کہ وہ تمام افراد جو آج وسیم اکرم کو ان کی سالگرہ پر مبارکباد دینا چاہتے ہیں لیکن ان کا اکاؤنٹ بلاک ہونے کے باعث ایسا نہیں کر پا رہے ان کی جانب سے یہ پیغام شیئر کیا جا رہا ہے۔
View this post on Instagram
پیغام میں کہا گیا ہے کہ بھارت کے لوگوں کی محبت، حمایت اور نیک خواہشات ان کے لیے بے حد اہمیت رکھتی ہیں۔ وسیم نے بھارت میں اپنے طویل کیریئر کے دوران میدان کے اندر اور باہر گزرے ہوئے یادگار لمحات کو ہمیشہ قدر کی نگاہ سے یاد رکھا ہے۔
انہوں نے بھارت میں ملنے والی مہمان نوازی، عزت اور محبت کو کبھی فراموش نہ کرنے کا عزم ظاہر کیا ہے اور کہا ہے کہ بھارت اور اس کے عوام ان کے دل میں ایک خاص مقام رکھتے ہیں اور ہمیشہ رہیں گے۔
یہ بھی پڑھیں: حج تھا یا پکنک؟ شدید تنقید کے بعد وسیم اکرم، مصباح الحق اور فخر عالم نے خاموشی توڑ دی
مزید کہا گیا ہے کہ وہ برسوں سے ملنے والی محبت اور حمایت پر دل کی گہرائیوں سے شکر گزار ہیں۔ اس پیغام کے اختتام پر تمام مداحوں کا شکریہ ادا کیا گیا ہے کہ انہوں نے اس اہم موقع پر انہیں یاد رکھا اور نیک خواہشات کا اظہار کیا۔
