متحدہ عرب امارات نے ایبولا وائرس کے ممکنہ پھیلاؤ کے خدشات کے پیش نظر 3 افریقی ممالک کے شہریوں کے لیے نئی ویزا پابندیاں عائد کر دی ہیں۔
یہ اقدامات قومی سطح پر تیاری اور حفاظتی حکمتِ عملی کے تحت کیے گئے ہیں تاکہ ممکنہ صحت کے خطرات سے نمٹا جا سکے۔
یہ بھی پڑھیں: متحدہ عرب امارات کا اوپیک اور اوپیک پلس سے علیحدگی کا اعلان
یہ فیصلہ National Emergency Crisis and Disasters Management Authority (NCEMA) اور Federal Authority for Identity, Citizenship, Customs and Port Security (ICP) کی جانب سے مشترکہ طور پر جاری کیا گیا ہے۔ یہ پابندیاں یوگنڈا، گونگو اور جنوبی سوڈان کے شہریوں پر لاگو ہوں گی۔
اعلامیے کے مطابق ان ممالک کے شہریوں کے لیے تمام نئی ویزا درخواستیں، بشمول وزٹ ویزا، معطل کر دی گئی ہیں۔ اسی طرح ان ممالک سے آنے والے یا ان کے راستے سے ٹرانزٹ کرنے والے مسافروں کے داخلے پر بھی پابندیاں عائد کر دی گئی ہیں۔
یہ بھی پڑھیں: متحدہ عرب امارات کی تاریخ میں پہلی بار 5 کرکٹرز کو شہریت مل گئی، قومی ٹیم میں شامل
تاہم وہ افراد جو سفر سے قبل 21 دن مسلسل ان تینوں ممالک سے باہر رہے ہوں ان پر یہ پابندیاں لاگو نہیں ہوں گی اور انہیں متحدہ عرب امارات میں داخلے کی اجازت دی جائے گی۔ یہ اقدامات 6 جون 2026 کو دوپہر 1 بجے سے نافذ العمل ہوں گے اور عالمی صحت کی صورتحال کے مطابق ان میں توسیع بھی کی جا سکتی ہے۔
پابندیوں کے باوجود متحدہ عرب امارات اور متاثرہ ممالک کے درمیان کارگو آپریشنز معمول کے مطابق جاری رہیں گے جبکہ ٹرانزٹ پروازیں بھی متاثر نہیں ہوں گی تاکہ بین الاقوامی تجارت اور فضائی آمدورفت برقرار رہے۔
یہ بھی پڑھیں: پاکستان نے متحدہ عرب امارات کو 2 ارب ڈالر واپس کردیے، اسٹیٹ بینک کی تصدیق
حکام کے مطابق یہ فیصلہ ایبولا وائرس سے متعلق عالمی پیش رفت کے تناظر میں ایک احتیاطی اقدام ہے جس کا مقصد عوامی صحت کا تحفظ اور بیماری کے ممکنہ پھیلاؤ کو روکنا ہے۔
NCEMA اور ICP نے کہا ہے کہ وہ عالمی صحت کی صورتحال پر قریبی نظر رکھے ہوئے ہیں اور بین الاقوامی و مقامی اداروں کے ساتھ مسلسل رابطے میں ہیں۔
