سری لنکا میں جاری ایشین گیمز 2026 میں پاکستان کی مایہ ناز ریسلر عائشہ بلوچ نے شاندار کارکردگی کا مظاہرہ کرتے ہوئے فائنل میں بھارتی حریف کو شکست دے کر گولڈ میڈل جیت لیا۔
ٹورنامنٹ کے دوران عائشہ بلوچ کی بہترین تکنیک، غیر معمولی اعتماد اور شاندار داؤ پیچ کے باعث ایشیائی حریف ان کا مقابلہ نہ کر سکے۔ انہوں نے پورے ایونٹ میں عمدہ کھیل پیش کیا اور فائنل تک اپنی برتری برقرار رکھی۔
فخرِ پاکستان عائشہ بلوچ نے سری لنکا میں جاری ایشین گیمز2026 کے ریسلنگ فائنل میں بھارتی حریف کو شکست دے کر گولڈ میڈل اپنے نام کر لیا
پاکستانی ریسلر عائشہ بلوچ کے بہترین داؤ پیچ، شاندار تکنیک اور غیر معمولی اعتماد کے باعث پورے ٹورنامنٹ میں ایشیائی حریف ان کا مقابلہ نہ کر سکےفائنل… pic.twitter.com/OEBCgQtxtH— Siddeeq Sajid (@S_SajidOfficial) June 6, 2026
فائنل مقابلے میں بھی عائشہ بلوچ کی تکنیکی مہارت نمایاں رہی، جبکہ بھارتی ریسلر ان کے مؤثر کھیل کا مقابلہ کرنے میں ناکام رہیں۔ فیصلہ کن کامیابی حاصل کرنے کے بعد عائشہ بلوچ نے سجدۂ شکر بھی ادا کیا۔
فتح کے بعد جب عائشہ بلوچ نے کامیابی کے پوڈیم پر پاکستان کا سبز ہلالی پرچم بلند کیا تو پوری قوم کا سر فخر سے بلند ہوگیا۔
عائشہ بلوچ کی تاریخی کامیابی پر ملک بھر میں خوشی کی لہر دوڑ گئی ہے، جبکہ سوشل میڈیا پر ان کی تصاویر اور ویڈیوز تیزی سے وائرل ہو رہی ہیں۔ عوام کی جانب سے قومی ریسلر کو زبردست خراجِ تحسین پیش کیا جا رہا ہے۔
واضح رہے کہ یہ شاندار کامیابی حاصل کرنے والی پاکستانی ریسلر عائشہ بلوچ کا تعلق پاکستان کے صوبے بلوچستان سے ہے۔
