بھارت نے افغانستان کو ایک یکطرفہ مگر سخت مقابلے کے بعد ایک اننگز اور 300 رنز سے شکست دے کر ون۔آف ٹیسٹ میچ سیریز تین دن کے اندر میچ ختم کردی۔
ٹیسٹ میچ ڈیبیو کرنے والے راجستھانی اسپنر مناو سُتھر نے شاندار کارکردگی دکھاتے ہوئے 6 وکٹیں حاصل کیں۔
نئی چندی گڑھ میں کھیلے گئے اس میچ میں بھارت نے اپنی پہلی اننگز میں 564 رنز 8 کھلاڑی آؤٹ پر ڈکلیئر کی، جس کے بعد بھارتی اسپنرز نے شاندار بولنگ کا مظاہرہ کرتے ہوئے افغانستان کی بیٹنگ لائن کو دباؤ میں رکھا۔
مزید پڑھیں: افغانستان کرکٹ ٹیم کو بڑا دھچکا، راشد خان بھارت کے خلاف سیریز سے باہر ہو گئے
افغانستان کی ٹیم پہلی اننگز میں صرف 152 رنز پر ڈھیر ہو گئی، جس کے بعد بھارت نے انہیں فالو آن پر مجبور کیا۔
دوسری اننگز میں بھی افغان بیٹنگ مزاحمت نہ کر سکی اور بھارت نے میچ با آسانی اپنے نام کر لیا۔
میچ کا سب سے نمایاں پہلو مانا و سوتھار کی بولنگ رہی، جنہوں نے 33 رنز کے عوض 6 وکٹیں حاصل کیں اور اپنی ڈیبیو کارکردگی کو یادگار بنا دیا۔
INDIA WINS ONE-OFF TEST MATCH SERIES 🇮🇳🏆
– Hundred from KL Rahul and Gill.
– Fifty from Sai, Pant and Sundar.
– 7 Wickets for Manav Suthar in match.
– 5 Wickets for Washi Sundar in match.pic.twitter.com/2Bdwzl6eAd— Maina Singh (@Maina_Singhx77) June 8, 2026
بھارت کی اسپن اٹیک نے مجموعی طور پر میچ پر مکمل کنٹرول برقرار رکھا اور حریف ٹیم کو سنبھلنے کا کوئی موقع نہیں دیا۔
افغانستان کو فالو آن پر مجبور کیے جانے کے بعد تیسرے دن بھارت نے اپنی برتری مزید مضبوط کر لی تھی، جب چائے کے وقفے سے عین قبل بھارتی اسپنر واشنگٹن سندر نے صدیق اللہ اٹل کو 42 رنز پر آؤٹ کیا۔
افغانستان کی اننگز کا آغاز محتاط انداز میں ہوا تاہم محمد سراج نے عبدالمالک کو 8 رنز پر آؤٹ کر کے پہلی کامیابی دلائی۔
یہ بھی پڑھیں: بھارت کی جانب سے ناقص انتظامات، افغانستان کرکٹ بورڈ کا دوبارہ نہ آنے کا عندیہ
اس کے بعد کلدیپ یادو نے رحمان اللہ گرباز (24) کو پویلین بھیجا جبکہ واشنگٹن سندر نے رحمت شاہ (13) کو آؤٹ کیا۔
سندر نے بعد میں کپتان حشمت اللہ شاہدی کو بھی 5 رنز پر آؤٹ کیا۔
اس سے قبل صبح کے سیشن میں افغانستان کی پوری ٹیم بھارت کے پہلی اننگز کے 564/8 ڈیکلیئر کے جواب میں 152 رنز پر ڈھیر ہو گئی تھی۔
#BREKINGNEWS#INDIA BEAT #AFGHANISTAN BY AN INNINGS AND 300 RUNS.
– The biggest ever innings win for India in Test cricket history. #INDVSAFG pic.twitter.com/tkNiRy0Hy5
— Bikash_Palai (@BikashPalai07) June 8, 2026
بھارت کی جانب سے مناو ستھر نے شاندار بولنگ کرتے ہوئے 6 وکٹیں 33 رنز کے عوض حاصل کیں، جو ان کے ٹیسٹ ڈیبیو پر غیر معمولی کارکردگی ہے۔
افغانستان کی طرف سے رحمت شاہ نے مزاحمت کرتے ہوئے 60 رنز کی اننگز کھیلی تاہم ان کی ٹیم 58.4 اوورز میں آؤٹ ہو گئی۔
صبح کے آغاز میں فاسٹ بولر پرسدھ کرشنا نے عظمت اللہ عمرزئی کو صفر پر آؤٹ کیا۔
مزید پڑھیں: ’نسیم شاہ کے 2 چھکے سب سے تکلیف دہ لمحہ تھا’، افغان کرکٹر رحمان اللہ گرباز کا بھارتی میڈیا کو انٹرویو
بعد میں رحمت شاہ اور شرف الدین اشرف کے درمیان 24 رنز کی شراکت بنی جس نے کچھ دیر تک بھارتی بولرز کو روکے رکھا۔
23 سالہ مناو ستھر نے بعد ازاں شاندار اسپیل کرتے ہوئے پہلے اشرف کو ایل بی ڈبلیو آؤٹ کیا، پھر رحمت شاہ کو بولڈ اور کچھ ہی گیندوں بعد محمد سلیم کو بھی صفر پر پویلین بھیج دیا۔
مناو ستھر ٹیسٹ ڈیبیو پر 6 وکٹیں لینے والے بھارت کے 5ویں بولر بن گئے ہیں اور 2011 کے بعد پہلے اسپنر ہیں جنہوں نے یہ کارنامہ انجام دیا ہے۔
یہ میچ بھارت کی ٹیسٹ تاریخ کی سب سے بڑی فتوحات میں سے ایک ثابت ہوا، جس میں بیٹنگ اور بولنگ دونوں شعبوں میں مکمل برتری نظر آئی۔
