کالعدم جوائنٹ عوامی ایکشن کمیٹی کے اہم رکن سید فیصل گیلانی نے نام نہاد تحریک سے مکمل لاتعلقی کا اعلان کرتے ہوئے راولاکوٹ میں جوائنٹ عوامی ایکشن کمیٹی کی جانب سے کیے گئے پرتشدد حملوں کی شدید الفاظ میں مذمت کی ہے۔
سید فیصل گیلانی نے کالعدم جوائنٹ ایکشن کمیٹی کی پرتشدد کارروائیوں پر ردعمل دیتے ہوئے کہاکہ کالعدم جوائنٹ ایکشن کمیٹی کی جانب سے معصوم شہریوں کے خون کی ہولی کھیلی جا رہی ہے۔
عوامی ایکشن کمیٹی خ-و-ن کی ہولی کھیل رہی ہے، جوائنٹ عوامی ایکشن کمیٹی کے سینیئر رہنما سید فیصل گیلانی نے خود کو قانون کے حوالے کردیا۔۔۔!! pic.twitter.com/tjgUJNAF2d
— WE News (@WENewsPk) June 9, 2026
انہوں نے کہا کہ جوائنٹ ایکشن کمیٹی کی پرتشدد کارروائیوں کو دیکھتے ہوئے وہ اس سے اپنی مکمل لاتعلقی کا اعلان کرتے ہیں۔
سید فیصل گیلانی کا کہنا تھا کہ ہم کالعدم جوائنٹ ایکشن کمیٹی کا حصہ عوامی مفادات کے لیے بنے تھے، لیکن بدقسمتی سے یہ اپنے اصل راستے سے بھٹک گئے ہیں۔
انہوں نے کہاکہ آزاد کشمیر کے عوام کالعدم جوائنٹ عوامی ایکشن کمیٹی کے پرتشدد بیانیے کو مسترد کر کے باشعور شہری ہونے کا ثبوت دے رہے ہیں۔
واضح رہے کہ قبل ازیں کالعدم جوائنٹ عوامی ایکشن کمیٹی کے اہم رکن توصیف جرال نے بھمبر میں خود کو پولیس کے حوالے کرتے ہوئے سرینڈر کر دیا تھا۔
توصیف جرال کا کہنا ہے کہ وہ عوامی ایکشن کمیٹی کی تحریک کا مزید حصہ نہیں رہ سکتے کیونکہ تنظیم کو کالعدم قرار دیے جانے کے بعد اس کی سرگرمیاں اپنے بنیادی مقاصد سے ہٹ چکی ہیں۔
