پنجاب کے ضلع ڈی جی خان کی تحصیل کوٹ چھٹہ میں پولیس کارروائی کے دوران ایک ملزم گرفتاری سے بچنے کے لیے تقریباً 80 فٹ بلند کھجور کے درخت پر چڑھ گیا جس کے باعث علاقے میں غیرمعمولی صورتحال پیدا ہو گئی۔
یہ بھی پڑھیں: ڈی جی خان دہشتگردی کی بڑی کارروائی سے بچ گیا
میڈیا رپورٹس کے مطابق پولیس نے بتایا کہ ملزم نے درخت پر چڑھنے کے بعد نیچے اترنے سے صاف انکار کر دیا۔ متعدد کوششوں کے باوجود جب وہ نیچے آنے پر آمادہ نہ ہوا تو اسے بحفاظت اتارنے کے لیے ریسکیو اہلکاروں کی مدد طلب کی گئی۔
حکام کا کہنا ہے کہ ریسکیو ٹیم نے ملزم کو سمجھا بجھا کر نیچے لانے کی کوشش کی تاہم اس نے تعاون کرنے کے بجائے مزاحمت جاری رکھی جس کے باعث کارروائی کئی گھنٹوں تک جاری رہی۔
صورتحال طول پکڑنے پر متعلقہ اداروں نے درخت کو کاٹنے کا فیصلہ کیا۔ درخت گرنے کے بعد ملزم ایک شاخ کے ساتھ زمین پر آ گرا جسے فوری طور پر تحویل میں لے لیا گیا۔
مزید پڑھیے: ڈی جی خان میں سی ٹی دی اور دہشتگردوں میں مقابلہ، 2 دہشتگرد ہلاک
پولیس کے مطابق ملزم کو گرفتار کر کے مزید قانونی کارروائی شروع کر دی گئی ہے۔
