الاقوامی میڈیا رپورٹس کے مطابق دبئی انٹرنیشنل ایئرپورٹ پر ایک لاوارث سوٹ کیس سے حیران کن طور پر متعدد زندہ جاندار برآمد ہوئے، جس نے حکام اور مسافروں کو بھی حیرت میں ڈال دیا۔
عرب میڈیا کے مطابق ایئرپورٹ سیکیورٹی اہلکاروں نے معمول کی چیکنگ کے دوران ایک غیر دعویدار سوٹ کیس کو مشکوک قرار دیتے ہوئے کھولا تو اس کے اندر سے مختلف اقسام کے زندہ جانور برآمد ہوئے۔
Dubai Customs has successfully foiled an attempt to smuggle 223 live animals hidden in an unclaimed suitcase through Dubai International Airport. Endangered animals found in the luggage include lizards, scorpions, snakes, and frogs.#EmiratesNews #DubaiOneTv #UAE #Dubai pic.twitter.com/hCZ8lgMyti
— Emirates News (@Emirates_News) June 12, 2026
حکام کے مطابق اس سوٹ کیس میں 129 چھپکلیاں، 36 بچھو، 8 سانپ اور 50 مینڈک موجود تھے، جنہیں غیر قانونی طور پر منتقل کرنے کی کوشش کی گئی تھی یا انہیں بغیر کسی دعوے کے چھوڑ دیا گیا تھا۔
یہ بھی پڑھیں:خراب موسم کے باعث 3 پاکستانی پروازیں مختصر وقت کے لیے بھارتی فضائی حدود میں داخل
ایئرپورٹ انتظامیہ کا کہنا ہے کہ تمام جانداروں کو فوری طور پر محفوظ تحویل میں لے لیا گیا ہے اور ان کی مناسب دیکھ بھال کے لیے متعلقہ وائلڈ لائف اور ماحولیاتی اداروں سے رابطہ کر لیا گیا ہے۔
Customs officers have found more than 200 animals, including lizards, snakes, frogs and scorpions, in an abandoned suitcase at Dubai International Airport.
The unclaimed case aroused the suspicion of inspectors at the airport following a routine screening procedure, Dubai… pic.twitter.com/hODTb0xAWv
— The National (@TheNationalNews) June 12, 2026
ابتدائی طور پر یہ واضح نہیں ہو سکا کہ یہ سوٹ کیس کس نے چھوڑا اور ان جانوروں کو کس مقصد کے لیے منتقل کیا جا رہا تھا۔ حکام نے معاملے کی تحقیقات شروع کر دی ہیں تاکہ یہ معلوم کیا جا سکے کہ آیا یہ واقعہ غیر قانونی جنگلی حیات کی اسمگلنگ کا حصہ تھا یا کوئی اور وجہ کارفرما تھی۔
عالمی ہوائی اڈوں پر اس نوعیت کے واقعات کو سنجیدگی سے لیا جاتا ہے، کیونکہ غیر ملکی یا خطرناک جانداروں کی غیر قانونی نقل و حمل ماحولیاتی نظام اور صحت کے لیے خطرہ بن سکتی ہے۔
