نائب وزیراعظم و وزیر خارجہ اسحاق ڈار نے کہا ہے کہ پاکستان انسانی ہمدردی کی بنیاد پر 30 ایرانی شہریوں کی وطن واپسی میں سہولت فراہم کر رہا ہے، جن میں سمندر سے ریسکیو کیے گئے ماہی گیر اور مختلف کارروائیوں میں شامل عملے کے ارکان شامل ہیں۔
نائب وزیراعظم اور وزیر خارجہ اسحاق ڈار نے اپنی ایک ٹوئٹ میں کہا ہے کہ پاکستان 30 ایرانی شہریوں کی وطن واپسی کے عمل میں سہولت فراہم کر رہا ہے۔
Pakistan is pleased to facilitate the repatriation of 30 Iranian nationals.
This includes 8 Iranian fishermen rescued at sea by the British vessel MMA Valour after their boat ran aground, and 22 Iranian crew members from the vessel Lenore/Davina, recently interdicted by US…
— Ishaq Dar (@MIshaqDar50) June 17, 2026
انہوں نے بتایا کہ ان افراد میں 8 ایرانی ماہی گیر شامل ہیں جنہیں برطانوی جہاز ’MMA Valour‘ نے اس وقت سمندر سے بچایا جب ان کی کشتی راستہ بھٹکنے کے بعد حادثے کا شکار ہوئی۔
اس کے علاوہ 22 ایرانی عملے کے ارکان بھی اس گروپ کا حصہ ہیں جو جہاز ’Lenore/Davina‘ پر موجود تھے اور حال ہی میں امریکی حکام کی کارروائی کے دوران تحویل میں لیے گئے تھے۔
یہ بھی پڑھیں:ایران پاکستان کی مخلصانہ کاوشوں کو ہمیشہ یاد رکھے گا، ایرانی سفیر
اسحاق ڈار کے مطابق یہ تمام افراد آئندہ چند روز میں کراچی کے راستے اپنے وطن روانہ کیے جائیں گے۔
انہوں نے کہا کہ پاکستان اس عمل کے دوران ایران، امریکا اور برطانیہ کے متعلقہ حکام کے ساتھ قریبی رابطے میں ہے تاکہ تمام افراد کی محفوظ اور بروقت واپسی یقینی بنائی جا سکے۔
نائب وزیراعظم نے اپنے بیان میں کہا کہ پاکستان انسانی ہمدردی کے اصولوں پر یقین رکھتا ہے اور علاقائی و بین الاقوامی تعاون کے فروغ کے لیے اپنا کردار ادا کرتا رہے گا۔
