میکسیکو کی جرسی اور ننھے موزے پہنی میکسیکو کی ایک پالتو بطخ ’مرلن‘ فٹبال شائقین کے دلوں میں گھر کر گئی ہے اور ملک کی ورلڈ کپ مہم کی غیر سرکاری علامت بن کر ابھری ہے۔
مرلن کی شہرت اس وقت شروع ہوئی جب گزشتہ ہفتے ورلڈ کپ کے افتتاحی میچ میں میزبان میکسیکو نے جنوبی افریقہ کو 0-2 سے شکست دی۔
یہ بھی پڑھیں: فیفا ورلڈ کپ: میچ ڈرا کے بعد جاپانی شائقین کا نظم و ضبط سے بھرپور جشن، ویڈیو وائرل
اس کامیابی کے بعد میکسیکو سٹی کی مصروف ریفورما ایونیو پر جشن منانے والے شائقین کے درمیان سجی سنوری بطخ مرلن بھی گھومتی پھرتی نظر آئی۔
اس غیر معمولی منظر کو لوگوں نے اپنے موبائل فونز میں قید کیا اور ویڈیوز سوشل میڈیا پر تیزی سے وائرل ہو گئیں۔
As Mexico celebrated its World Cup opening victory over South Africa, Merlin, a 2-year-old duck dressed in the national team’s colors, became an unlikely internet sensation and the tournament’s first viral, unofficial mascot. https://t.co/tbWGkHktzP pic.twitter.com/QtiNER2Lul
— ABC News (@ABC) June 15, 2026
متعدد مداحوں نے مطالبہ کیا کہ مرلن کو ورلڈ کپ کے دوران میکسیکو کا نیا سرکاری ماسکوٹ قرار دیا جائے۔
مرلن کی مالک اور سڑک کنارے مشروبات فروخت کرنے والی کارلا گومیز کا کہنا ہے کہ وہ سب کا احترام کرتی ہیں۔
’ہم میکسیکو سٹی کے ماسکوٹ ایکسولوٹل کا بھی اتنا ہی احترام کرتے ہیں جتنا فیفا کے جیگوار کا، ہمیں تنازعات پسند نہیں۔‘
گومیز نے بتایا کہ وہ اپنے بیٹے کرسچین اور بطخ مرلن کے ساتھ معمول کے مطابق کام کر رہی تھیں اور انہیں اندازہ ہی نہیں تھا کہ لوگ ان پر اتنی توجہ دیں گے۔
’یہ ہمارے لیے ایک عام دن تھا، ہمیں لگا کہ ہم سب کی نظروں سے اوجھل رہیں گے کیونکہ ہمیں کبھی خیال نہیں آیا تھا کہ مرلن اتنی مقبول ہو جائے گی۔‘
مزید پڑھیں: فیفا ورلڈ کپ 2026: میکسیکو کا شاندار آغاز، جنوبی افریقہ کو 0-2 سے شکست، میچ میں 3 ریڈ کارڈز
اب گومیز اپنی بطخ کی غیر متوقع شہرت سے لطف اندوز ہو رہی ہیں، شائقین اکثر خاندان کو روک کر مرلن کے ساتھ سیلفیاں بنواتے ہیں۔
گومیز کے مطابق وہ خود کو واقعی مرلن کی ماں سمجھتی ہیں، یہ سب ہمارے لیے بہت بڑی حیرت انگیر ہے۔
’مرلن کا ورلڈ کپ کی غیر سرکاری ماسکوٹ بن جانا ہمارے لیے باعثِ خوشی ہے، خاص طور پر یہ دیکھ کر کہ لوگ میری بطخ سے کتنی محبت کرتے ہیں۔‘
ماضی میں پیش گوئیوں کے باعث شہرت حاصل کرنے والے ‘پال دی آکٹوپس’ کی یاد تازہ کرتے ہوئے مرلن نے بھی حال ہی میں میچ کے نتائج کی پیش گوئی کی کوشش کی۔
مزید پڑھیں: شاندار قوم کی عالیشان روایت: جاپان نیدرلینڈز میچ کے بعد جاپانی شائقین نے اسٹیڈیم فوری کیوں نہیں چھوڑا؟
جنوبی کوریا اور میکسیکو کے جھنڈوں میں سے اس نے میکسیکو کے جھنڈے کا انتخاب کیا۔
میکسیکو اپنی گروپ اے مہم میں جمعرات کو جنوبی کوریا کا سامنا کرے گا، جبکہ 24 جون کو اس کا مقابلہ جمہوریہ چیک سے ہوگا۔
