بھارت کے شہر امبرناتھ میں شادی کے صرف ڈیڑھ ماہ بعد 26 سالہ خاتون کی مبینہ خودکشی کے بعد پولیس نے اس کے ڈاکٹر شوہر کو گرفتار کرلیا ہے۔
مزید پڑھیں:اطالوی بچی کی خودکشی کے بعد میٹا اور ٹک ٹاک کیخلاف مقدمہ
مقتولہ کے اہلِخانہ کا الزام ہے کہ شوہر اور سسرال والے اسے مسلسل ذہنی و جسمانی تشدد کا نشانہ بناتے تھے اور اس کی ہر سرگرمی پر نظر رکھنے کے لیے گھر میں سی سی ٹی وی کیمرے نصب کر رکھے تھے۔
خاتون کے اہلِخانہ کے مطابق اسے پڑوسیوں سے بات کرنے پر بھی تشدد کا سامنا کرنا پڑتا تھا جبکہ جہیز کے مطالبات اور ہراسانی کا سلسلہ بھی جاری تھا۔ ان کا کہنا ہے کہ شادی کے بعد سے ہی مقتولہ شدید ذہنی دباؤ میں تھی۔
پولیس نے اہلِخانہ کی شکایت پر مقدمہ درج کرکے ڈاکٹر شوہر کو گرفتار کر لیا ہے جبکہ واقعے کی مزید تفتیش جاری ہے۔ حکام کا کہنا ہے کہ خودکشی کی وجوہات اور اہلِخانہ کے الزامات کا تفصیلی جائزہ لیا جا رہا ہے۔
مزید پڑھیں:لاہور: فائرنگ کا افسوسناک واقعہ، خاتون اور 2 بچے قتل، ملزم نے خودکشی کر لی
یہ واقعہ بھارت میں گھریلو تشدد، خواتین پر نگرانی اور جہیز سے متعلق مسائل پر ایک بار پھر بحث کا باعث بن گیا ہے۔
