ریلوے پولیس نے خفیہ اطلاع پر کراچی سٹی ریلوے اسٹیشن پر بڑی کارروائی کرتے ہوئے لاہور جانے والی گڈز ٹرین کی ایک بوگی سے بھاری مقدار میں ممنوعہ گٹکا
اور چھالیہ برآمد کرلی۔
مزید پڑھیں:کوئٹہ ریلوے اسٹیشن دھماکا خود کش تھا، پولیس حکام
ترجمان ریلوے پولیس کے مطابق اسمگلنگ کے خلاف کریک ڈاؤن کے دوران 354 بوریاں “رتنا” اور 46 بوریاں “جمبی” گٹکا قبضے میں لیا گیا۔ برآمد شدہ ممنوعہ سامان مبینہ طور پر کراچی سے لاہور اسمگل کیا جا رہا تھا۔
ریلوے پولیس نے خفیہ اطلاع پر کراچی سٹی ریلوے اسٹیشن پر بڑی کارروائی کرتے ہوئے لاہور جانے والی گڈز ٹرین کی ایک بوگی سے بھاری مقدار میں ممنوعہ گٹکا اور چھالیہ برآمد کرلی۔@KulAalam pic.twitter.com/ozYF5YIFz0
— Media Talk (@mediatalk922) June 18, 2026
ریلوے پولیس نے تمام سامان تحویل میں لے کر قانونی کارروائی شروع کر دی ہے جبکہ اسمگلنگ نیٹ ورک میں ملوث افراد کی گرفتاری کے لیے تحقیقات جاری ہیں۔
یہ کارروائی آئی جی ریلوے پولیس محمد وصال فخر سلطان کی ہدایات پر عمل میں لائی گئی۔ آئی جی ریلوے پولیس کا کہنا ہے کہ ریلوے میں جرائم اور اسمگلنگ کے خاتمے کے لیے انٹیلی جنس بیسڈ آپریشنز کو مزید مؤثر بنایا جا رہا ہے اور ممنوعہ اشیاء کی ترسیل میں ملوث عناصر کے خلاف سخت قانونی کارروائی عمل میں لائی جائے گی۔
مزید پڑھیں:شکارپور: ریلوے ٹریک پر مبینہ دھماکہ، پشاور جانے والی ٹرین کی 2 بوگیاں پٹری سے اتر گئیں
انہوں نے کہا کہ اسمگلنگ نیٹ ورکس کا مکمل خاتمہ ریلوے پولیس کی ترجیحات میں شامل ہے اور اس سلسلے میں بلاامتیاز کارروائیاں جاری رہیں گی۔ ریلوے پولیس نے عندیہ دیا ہے کہ اسمگلنگ کے خلاف مزید آپریشنز بھی جلد کیے جائیں گے۔
