ایشین ڈبلز اسکواش چیمپیئن شپ میں پاکستان نے شاندار کارکردگی دکھاتے ہوئے بھارت کو شکست دے دی اور ایونٹ کے کوارٹر فائنل کے لیے کوالیفائی کر لیا۔ پاکستانی ٹیموں نے شاندار کھیل پیش کرتے ہوئے اپنے دونوں میچز جیت کر اگلے مرحلے میں جگہ پکی کر لی۔
Pakistan Team One to face India after unbeaten run in Asian Doubles Squash Championshiphttps://t.co/oapqDUIzCD#AsianDoublesSquashChampionship #PakistanSquash #NoorZaman #NasirIqbal #Squash #TeamPakistan
— The_Nation (@The_Nation) June 18, 2026
میڈیا رپورٹ کے مطابق پاکستان کی دونوں جوڑیوں نے بھرپور فارم کا مظاہرہ کرتے ہوئے اپنے اپنے میچز میں کامیابی حاصل کی۔
یہ بھی پڑھیں:پاکستان کی ماہ نور علی نے سنگاپور جونیئر اسکوائش اوپن چیمپیئن شپ جیت لی
پہلے میچ میں نور زمان اور ناصر اقبال نے بھارت کے راہول بیتھا اور سورج کمار کو 0-2 سے شکست دی۔ اسی طرح دوسرے مقابلے میں محمد حمزہ خان اور محمد عاصم خان نے ہانگ کانگ کی جوڑی کو بھی 0-2 سے ہرایا۔
اس شاندار کارکردگی کے بعد پاکستان کی دونوں ٹیمیں ایونٹ کے کوارٹر فائنل میں پہنچ گئی ہیں۔ واضح رہے کہ کوارٹر فائنل کے اہم مقابلے ملائیشیا کے شہر سراواک میں آج کھیلے جائیں گے۔
