ازبکستان نے اسلام آباد مفاہمتی یادداشت پر پاکستان کو مبارکباد دیتے ہوئے علاقائی اور عالمی امن کے لیے پاکستان کے مثبت سفارتی کردار کو خراجِ تحسین پیش کیا ہے۔ ازبک وزیر خارجہ نے وزیراعظم شہباز شریف، نائب وزیراعظم اسحاق ڈار اور چیف آف ڈیفنس فورسز جنرل سید عاصم منیر کی کوششوں کو سراہا۔
یہ بھی پڑھیں:پاکستان، سعودی عرب، ترکیہ اور مصر کی اہم بیٹھک، اسحاق ڈار قاہرہ روانہ
ازبکستان کے وزیر خارجہ بختیار سیدوف نے نائب وزیراعظم اور وزیر خارجہ سینیٹر محمد اسحاق ڈار سے ٹیلی فونک رابطہ کیا اور اسلام آباد مفاہمتی یادداشت پر انہیں مبارکباد دی۔
ترجمان دفتر خارجہ کے مطابق ازبک وزیر خارجہ نے اپنی اور صدر ازبکستان کی جانب سے اسحاق ڈار کو مبارکباد پیش کی اور اس عمل میں پاکستان کے تعمیری کردار کو سراہا۔
Deputy Prime Minister / Foreign Minister Senator Mohammad Ishaq Dar @MIshaqDar50 received a telephone call from the Foreign Minister of Uzbekistan, Bakhtiyor Saidov @FM_Saidov.
FM Saidov felicitated, on behalf of his President and himself, DPM/FM on the signing of the Islamabad… pic.twitter.com/LA8tTdxlFz
— Ministry of Foreign Affairs – Pakistan (@ForeignOfficePk) June 20, 2026
بختیار سیدوف نے وزیراعظم پاکستان محمد شہباز شریف، نائب وزیراعظم و وزیر خارجہ اسحاق ڈار اور چیف آف ڈیفنس فورسز سید عاصم منیر کی قیادت اور کوششوں کی تعریف کرتے ہوئے کہا کہ پاکستان نے ثالثی اور سفارتی کوششوں کے ذریعے عالمی امن کے فروغ میں اہم کردار ادا کیا ہے۔
دونوں وزرائے خارجہ نے اس امید کا اظہار کیا کہ حالیہ پیش رفت کو مذاکرات کے اگلے مرحلے میں آگے بڑھایا جائے گا، جس سے خطے اور دنیا میں پائیدار امن، استحکام اور خوشحالی کے امکانات مضبوط ہوں گے۔
ٹیلی فونک گفتگو کے دوران دونوں رہنماؤں نے باہمی دلچسپی کے امور پر قریبی رابطہ برقرار رکھنے پر بھی اتفاق کیا۔
