امریکی نائب صدر جے ڈی وینس نے پاکستان کے سفارتی کردار کا اعتراف کیا ہے۔
صحافی کے سوال پر امریکی صدر نے پرجوش جواب دیتے ہوئے کہا، ‘We Love Pakistan, Thank You’
“آپ نے جو کچھ کیا، اس پر ہم آپ کے شکر گزار ہیں”
امریکی نائب صدر جے ڈی وینس کی فیلڈ مارشل عاصم منیر سے گفتگو pic.twitter.com/aBQpaI9X78— WE News (@WENewsPk) June 21, 2026
امریکی نائب صدر جے ڈی وینس کا کہنا تھا کہ ہمیں پاکستان سے محبت ہے اور آپ نے جو کچھ کیا، اس کے لیے ہم آپ کے شکر گزار ہیں۔
واضح رہے کہ وزیراعظم شہباز شریف اور چیف آف ڈیفنس فورسز (سی ڈی ایف) فیلڈ مارشل سید عاصم منیر نے سوئٹزرلینڈ کے شہر برگن اسٹاک میں امریکی نائب صدر جے ڈی وینس سے ملاقات کی، جس میں امریکا ایران مذاکرات، علاقائی امن اور سفارتی کوششوں پر تبادلہ خیال کیا گیا۔
وزیراعظم شہباز شریف اور فیلڈ مارشل عاصم منیر سوئٹزرلینڈ میں جاری اہم سفارتی سرگرمیوں میں شریک ہیں، جہاں امریکا اور ایران کے درمیان طے پانے والے اسلام آباد میمورنڈم آف انڈرسٹینڈنگ (ایم او یو) پر عملدرآمد کے لیے مذاکرات ہو رہے ہیں۔ ملاقات میں امریکی نمائندہ خصوصی اسٹیو وٹکوف اور جیرڈ کشنر بھی موجود تھے۔
وزیراعظم شہباز شریف اور فیلڈ مارشل عاصم منیر برگن اسٹاک میں ہونے والے اعلیٰ سطحی اجلاسوں میں شریک ہو رہے ہیں، جو امریکا اور ایران کے درمیان 17 جون کو طے پانے والے معاہدے کے بعد پہلا اہم سفارتی مرحلہ قرار دیا جا رہا ہے۔
