اسٹیٹ بینک آف پاکستان (ایس بی پی) کے پاس موجود زرمبادلہ کے ذخائر میں معمولی اضافہ ریکارڈ کیا گیا ہے جس کے بعد یہ 17.04 ارب ڈالر تک پہنچ گئے ہیں۔
یہ بھی پڑھیں: پیٹرول پمپس پر ڈیجیٹل ادائیگیوں کے فروغ کے لیے اسٹیٹ بینک کا بڑا اقدام
اسٹیٹ بینک کی جانب سے جاری ہفتہ وار رپورٹ کے مطابق 31 جولائی 2026 کو ختم ہونے والے ہفتے کے دوران مرکزی بینک کے زرمبادلہ ذخائر میں ایک کروڑ 30 لاکھ ڈالر (13 ملین ڈالر) کا اضافہ ہوا جس کے بعد ان کی مجموعی مالیت 17 ارب 4 کروڑ 30 لاکھ ڈالر ہو گئی۔
رپورٹ کے مطابق 31 جولائی 2026 تک ملک کے مجموعی مائع زرمبادلہ ذخائر 22 ارب 47 کروڑ ڈالر رہے جن میں سے 5 ارب 43 کروڑ ڈالر کے ذخائر کمرشل بینکوں کے پاس موجود تھے۔
اسٹیٹ بینک نے اپنے بیان میں کہا کہ 31 جولائی 2026 کو ختم ہونے والے ہفتے کے دوران اس کے زرمبادلہ ذخائر میں 13 ملین ڈالر کا اضافہ ریکارڈ کیا گیا۔
مزید پڑھیے: اسٹیٹ بینک کی توقعات کے برعکس جولائی میں مہنگائی 9.2 فیصد رہی
واضح رہے کہ اس سے ایک ہفتہ قبل، 24 جولائی 2026 کو ختم ہونے والے ہفتے کے دوران اسٹیٹ بینک کے زرمبادلہ ذخائر میں 22 کروڑ 90 لاکھ ڈالر (229 ملین ڈالر) کی کمی ہوئی تھی جس کے بعد یہ 17 ارب 3 کروڑ ڈالر کی سطح پر آ گئے تھے۔
