پاکستان اور قطر کی ثالثی میں امریکا اور ایران کے درمیان تکنیکی سطح کے مذاکرات کا پہلا دور مکمل ہوگیا ہے۔
سوئٹزر لینڈ میں ہونے والے مذاکرات میں امریکا کی طرف سے نائب صدر جے ڈی وینس، ٹرمپ کے داماد جیرڈ کشنر اور نمائندہ خصوصی اسٹیو وٹکوف نے شرکت کی، جبکہ ایرانی وفد میں اسپیکر باقر قالیباف اور وزیر خارجہ عباس عراقچی شامل تھے۔
مزید پڑھیں: آبنائے ہرمز بند کرنے کی صورت میں ایران کو سنگین نتائج کا سامنا کرنا پڑےگا، صدر ٹرمپ کی وارننگ
مذاکراتی عمل میں وزیراعظم پاکستان شہباز شریف، فیلڈ مارشل عاصم منیر اور قطر کے وزیراعظم بھی شریک تھے۔
قبل ازیں قطر کی وزارت خارجہ نے اعلان کیا تھا کہ امریکا اور ایران کے درمیان کا دور سوئٹزر لینڈ میں شروع ہوگیا ہے۔
قطری وزارت خارجہ نے کہاکہ ملاقاتیں مفاہمتی یادداشت میں شامل تمام نکات پر جامع اور مستقل معاہدے کی راہ ہموار کریں گی۔
صدر ٹرمپ کی مدبرانہ قیادت کے باعث مذاکرات ممکن ہوئے، وزیراعظم شہباز شریف
مذاکرات سے قبل سوئٹزر لینڈ میں گفتگو کرتے ہوئے وزیراعظم پاکستان شہباز شریف نے کہا کہ امریکی صدر ڈونلڈ ٹرمپ کی مدبرانہ قیادت کے باعث امریکا اور ایران کے درمیان مذاکرات ممکن ہوئے۔
امن اور خوشحالی صرف اس خطے تک محدود نہیں رہے گی جہاں اس بحران نے بے پناہ چیلنجز پیدا کیے، بلکہ اس کے مثبت اثرات عالمی امن پر بھی مرتب ہوں گے۔اس موقع پر میں پوری دیانت داری اور خلوص کے ساتھ صدر ڈونلڈ ٹرمپ کا شکریہ ادا کرنا چاہتا ہوں، جن کی بصیرت افروز اور متحرک قیادت کے نتیجے میں… pic.twitter.com/IhB4PKNh5O
— WE News (@WENewsPk) June 21, 2026
انہوں نے کہاکہ عالمی امن کے لیے یہ اہم موقع ہے، فیلڈ مارشل عاصم منیر نے معاہدے کے لیے اہم کردار ادا کیا۔
انہوں نے کہاکہ ہم مل کر دنیا میں اتحاد قائم کر سکتے ہیں۔
فیلڈ مارشل سید عاصم منیر شروع دن سے ہمارے ساتھ، پاکستان کا مثبت کردار دنیا بھر میں سراہا گیا، جے ڈی وینس
اس موقع پر امریکا کے نائب صدر جے ڈی وینس نے پاکستان کے آرمی چیف فیلڈ مارشل سید عاصم منیر کی قیادت کو زبردست خراجِ تحسین پیش کرتے ہوئے انہیں ایک ‘بہترین سپہ سالار’ قرار دیا ہے۔
انہوں نے واضح کیاکہ فیلڈ مارشل سید عاصم منیر شروع دن سے ہمارے ساتھ ہیں اور پاکستان کا مثبت کردار دنیا بھر میں سراہا گیا ہے۔
میں پاکستان کے فیلڈ مارشل عاصم منیر کا بھی خصوصی طور پر ذکر کرنا چاہتا ہوں۔ جب فیلڈ مارشل عاصم منیر اور وزیرِاعظم نے اسلام آباد میں ہمارا استقبال کیا تو میں مذاقاً کہا کرتا تھا کہ میری زندگی میں دو انتہائی اہم شخصیات ہیں؛ ایک بھارتی اور ایک پاکستانی۔ بھارتی میری اہلیہ ہیں اور… pic.twitter.com/BgF2HjJC7v
— WE News (@WENewsPk) June 21, 2026
سوئٹزرلینڈ کے شہر برگن اسٹاک میں امریکا ایران امن مذاکرات کے سیشن کے بعد پاکستانی وزیراعظم میاں شہباز شریف کے ہمراہ مشترکہ میڈیا بریفنگ سے خطاب کرتے ہوئے امریکی نائب صدر جے ڈی وینس نے عالمی اور علاقائی سلامتی کے امور پر تفصیلی گفتگو کی۔
امریکی نائب صدر کا کہنا تھا کہ وزیراعظم پاکستان میاں شہباز شریف اور فیلڈ مارشل سید عاصم منیر میرے اور صدر ڈونلڈ ٹرمپ کے انتہائی قریبی دوست ہیں۔ انہوں نے پاکستان اور امریکا کے دیرینہ تعلقات اور سیکیورٹی تعاون کی اہمیت پر زور دیا۔
عالمی حالات بالخصوص مشرقِ وسطیٰ کی کشیدگی پر بات کرتے ہوئے جے ڈی وینس نے کہا کہ ‘مشرقِ وسطیٰ میں قیامِ امن ہماری اولین ترجیح ہے’ اور اس مقصد کے لیے ‘ہم لبنان میں سیز فائر کو ہر صورت یقینی بنائیں گے’۔
انہوں نے انکشاف کیا کہ ‘صدر ڈونلڈ ٹرمپ نے ہمیں خطے میں جاری اس مسئلے کا مستقل سفارتی حل تلاش کرنے کا مکمل اختیار دیا ہے’۔
امریکی نائب صدر نے خطے کے دیگر ممالک کے کردار پر روشنی ڈالتے ہوئے کہا کہ ‘ہم امن کی کوششوں کے لیے ایران کے مثبت کردار کے بھی خواہاں ہیں’۔
میڈیا سے گفتگو کے اختتام پر انہوں نے پاک امریکا تعلقات اور عالمی امن کے مستقبل پر روشنی ڈالتے ہوئے عزم کا اظہار کیا کہ ‘ہم مستقبل کے لیے مزید بہتر کام کرنا چاہتے ہیں’ تاکہ خطے سمیت دنیا بھر میں پائیدار امن و استحکام کو ممکن بنایا جا سکے۔
اس موقع پر وزیراعظم شہباز شریف اور امریکی نائب صدر کے مابین دوطرفہ تعاون کو مزید فروغ دینے کے عزم کا اعادہ بھی کیا گیا۔
ہم اپنے خطے کے بہتر مستقبل کے لیے کام کررہے ہیں، قطری وزیراعظم
اس موقع پر قطر کے وزیراعظم نے کہاکہ یہ صرف شروعات ہے، ہم اپنے خطے کے بہتر مستقبل کے لیے کام کررہے ہیں۔
ان کا کہنا تھا کہ آج جو کچھ ہو رہاہے وہ خطے اور دنیا کی سلامتی کے لیے اہم ہے۔
قبل ازیں وزیراعظم پاکستان شہباز شریف اور فیلڈ مارشل سید عاصم منیر نے امریکی اور ایرانی وفود سے الگ الگ ملاقاتیں کیں، جن میں اہم امور پر تبادلہ خیال کیا گیا۔
ایران لبنان میں اپنی پراکسیز کو فوری روکے ورنہ سخت جواب دیں گے، صدر ٹرمپ کی وارننگ
امریکی صدر ڈونلڈ ٹرمپ نے ایران کو سخت وارننگ دیتے ہوئے کہا ہے کہ ایران لبنان میں اپنی پراکسیز کو فوری طور پر مشکلات پیدا کرنے سے روکے۔
سوشل میڈیا پر اپنے ایک بیان میں صدر ٹرمپ نے کہاکہ اگر ایران نے ایسا نہ کیا تو امریکا ایک بار پھر ایران کو سخت جواب دے گا۔
انہوں نے کہاکہ گزشتہ ہفتے کی طرح ایران کو دوبارہ نشانہ بنایا جائے گا، لیکن اس بار کارروائی پہلے سے زیادہ سخت ہوگی۔
برگن اسٹاک میں اہم سفارتی ملاقات، وزیراعظم شہباز شریف کی امریکی نائب صدر جے ڈی وینس سے ملاقات pic.twitter.com/IoDypkB6eD
— WE News (@WENewsPk) June 21, 2026
یہ مذاکرات ایسے وقت میں ہو رہے ہیں جب امریکا اور ایران کے درمیان حالیہ معاہدے کے بعد بھی خطے میں کشیدگی برقرار ہے۔ سفارتی کوششوں کا مقصد فریقین کے درمیان اعتماد سازی اور امن عمل کو مزید آگے بڑھانا ہے۔آبنائے ہرمز کی بندش کے اعلان نے مذاکراتی عمل کو مزید پیچیدہ بنا دیا تھا، تاہم سفارتی کوششیں جاری ہیں تاکہ امن عمل کو آگے بڑھایا جا سکے۔
مزید پڑھیں: ایران امریکا مذاکرات: وزیراعظم شہباز شریف اور فیلڈ مارشل عاصم منیر کی امریکی اور ایرانی وفود سے ملاقاتیں
امریکی نائب صدر جے ڈی وینس امریکا ایران مذاکرات میں پاکستانی کردار کے معترف
“We love Pakistan”
امریکی نائب صدر جے ڈی وینس پاکستان کی امن کوششوں کے معترف ! pic.twitter.com/ip1GsQZrG3— WE News (@WENewsPk) June 21, 2026
سوال کے جواب میں جے ڈی وینس نے کہا کہ پاکستان کے کردار کو خاص طور پر سراہا جاتا ہے، اور انہوں نے پاکستان کا شکریہ ادا کرتے ہوئے کہا: ’ہم پاکستان کے مشکور ہیں، شکریہ‘۔
