ایران کے صدر ڈاکٹر مسعود پزشکیان کو پاکستان کے دورے کے موقع پر کالج آف فزیشنز اینڈ سرجنز آف پاکستان کی جانب سے صحت کے شعبے میں ان کی نمایاں خدمات کے اعتراف میں شعبہ جراحیِ قلب میں اعزازی فیلو شپ سے نواز دیا گیا۔
اعزازی فیلو شپ ڈاکٹر مسعود پزشکیان کو صحت عامہ کی خدمات، شعبہ صحت کی تعلیم، طب کی تحقیق اور محنت و لگن کے ساتھ معاشرے کی خدمات کے اعتراف میں تفویض کی گئی۔
Prime Minister Muhammad Shehbaz Sharif confers the honorary fellowship of College of Physicians and Surgeons of Pakistan regarding Cardiac Surgery to President of Iran Dr. Masoud Pezeshkian in Islamabad, 23 June 2026. pic.twitter.com/YgzXxWMPUM
— Prime Minister’s Office (@PakPMO) June 23, 2026
ایرانی صدر کو اعزازی فیلو شپ دینے کی تقریب میں وزیراعظم شہباز شریف اور چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر بھی شریک تھے۔
اس موقع پر کہا گیا کہ ایرانی صدر کو پاکستان کی جانب سے اعزازی فیلو شپ دیے جانے سے پاکستان اور ایران کے درمیان شعبہ طب، بالخصوص دونوں ممالک کے میڈیکل کالجز کے مابین طبی تعلیم، اداروں کی سطح پر تعلیمی تبادلوں، طبی تحقیق، فیکلٹی اور ممتحنین کے تبادلوں کے شعبوں میں تعاون کو فروغ ملے گا۔
