وفاقی وزیر داخلہ محسن نقوی کی بطور چیئرمین پاکستان کرکٹ بورڈ (پی سی بی) تقرری کو لاہور ہائیکورٹ میں چیلنج کردیا گیا۔
یہ درخواست اشبا کامران نامی شہری کی جانب سے دائر کی گئی ہے، جس میں مؤقف اختیار کیا گیا ہے کہ ایک سینیٹر کابینہ کے رکن ہونے کے علاوہ کوئی دوسرا انتظامی عہدہ نہیں رکھ سکتا، اس لیے محسن نقوی کی بطور چیئرمین پی سی بی تقرری آئین اور قانون کے منافی ہے۔
وزیر داخلہ محسن نقوی کی بطور چیئرمین پی سی بی تقرری لاہور ہائیکورٹ میں چیلنج
مفاد عامہ کی درخواست اشبا کامران نے دائر کی
سینیٹر کابینہ کے علاوہ کوئی دوسرا انتظامی عہدہ نہیں لے سکتا۔موقف
چیئرمین سینیٹ نے بھی محسن نقوی کے پی سی بی سربراہ بننے پر کارروائی نہیں کی۔موقف… pic.twitter.com/C4xgMdgMfs
— Muhammad Umair (@MohUmair87) June 24, 2026
درخواست گزار نے عدالت کو بتایا کہ چیئرمین سینیٹ نے بھی محسن نقوی کے پی سی بی کے سربراہ بننے کے معاملے پر کوئی کارروائی نہیں کی۔
درخواست میں مزید مؤقف اختیار کیا گیا ہے کہ وزیراعظم کی جانب سے محسن نقوی کی بطور چیئرمین پاکستان کرکٹ بورڈ تقرری کا نوٹیفکیشن غیر قانونی طور پر جاری کیا گیا۔
درخواست گزار نے لاہور ہائیکورٹ سے استدعا کی ہے کہ محسن نقوی کی بطور چیئرمین پاکستان کرکٹ بورڈ تقرری کو کالعدم قرار دیا جائے۔
