حکومت نے طیاروں میں استعمال ہونے والے جیٹ فیول کی قیمت میں کمی کردی ہے، جس کے بعد نئی قیمت 231 روپے 72 پیسے فی لیٹر مقرر ہوگئی ہے۔ کمی سے ایئر لائنز کے ایندھن اخراجات میں بچت کا امکان ہے۔
یہ بھی پڑھیں:پیٹرولیم قیمتوں میں عوام کو ریلیف دینے کے لیے پرعزم ہیں، علی پرویز ملک
جیٹ فیول کی قیمت میں کمی سے فضائی کمپنیوں کو طیاروں کے ایندھن کے اخراجات میں ریلیف ملنے کی توقع ہے، جس کا اثر آپریشنل اخراجات پر پڑ سکتا ہے۔
واضح رہے کہ مشرق وسطیٰ میں کشیدگی سے قبل جیٹ فیول کی قیمت 188 روپے فی لیٹر تھی۔
دوسری جانب حکومت نے گزشتہ روز پیٹرول اور ڈیزل کی قیمتیں برقرار رکھنے کا اعلان کیا تھا، تاہم بعد ازاں پیٹرولیم مصنوعات پر عائد لیوی میں اضافہ کردیا گیا۔
یہ بھی پڑھیں:حکومت نے پیٹرول اور ڈیزل پر لیوی بڑھا دی، ڈیزل پر 6 روپے 57 پیسے اضافہ
ذرائع کے مطابق ڈیزل پر لیوی میں 6 روپے 57 پیسے فی لیٹر اضافہ کیا گیا، جس کے بعد ڈیزل پر لیوی بڑھ کر 79 روپے 54 پیسے فی لیٹر ہوگئی ہے۔
پیٹرول پر لیوی میں 39 پیسے فی لیٹر اضافہ کیا گیا، جس کے بعد پیٹرول پر لیوی 66 روپے 64 پیسے فی لیٹر ہوگئی، جبکہ مٹی کے تیل پر لیوی 20 روپے 36 پیسے فی لیٹر برقرار رکھی گئی ہے۔
