آسٹریلیا نے منظم بولنگ اور اوپنر بیتھ مونی کی ناقابل شکست نصف سنچری کی بدولت آئی سی سی ویمنز ٹی20 ورلڈ کپ 2026 کے پہلے سیمی فائنل میں ویسٹ انڈیز کو 8 وکٹوں سے شکست دے کر فائنل کے لیے کوالیفائی کر لیا۔
لندن کے اوول کرکٹ گراؤنڈ میں منگل کو کھیلے گئے سیمی فائنل میں آسٹریلیا کی کپتان سوفی مولینیو نے ٹاس جیت کر پہلے فیلڈنگ کا فیصلہ کیا، جو درست ثابت ہوا۔
یہ بھی پڑھیں: ویمنز ٹی20 ورلڈ کپ: آسٹریلیا سے بھی 113 رنز کی شکست، پاکستان کا ٹورنامنٹ میں سفر تمام ہوا
آسٹریلوی بولرز نے ویسٹ انڈیز کو مقررہ 20 اوورز میں 7 وکٹوں کے نقصان پر 125 رنز تک محدود رکھا۔
ویسٹ انڈیز کی جانب سے کپتان ہیلی میتھیوز 28 گیندوں پر 30 رنز بنا کر نمایاں رہیں۔ انہوں نے اوپننگ پارٹنر کیانا جوزف (16) کے ساتھ پہلی وکٹ کے لیے 47 رنز کی شراکت قائم کی۔
Big Breaking 🚨
Australian W book there Appointment at LORDS.
Aussies almost thrashed weak West Indies team by 8 wickets at OVAL.
Beth Mooney unbeaten on 61*(36) runs#WomensICCT20IWORLDCUP2026#AUSWvWIW pic.twitter.com/OyNb5rBFKh
— sports news (@CricUniverse7) June 30, 2026
دونوں اوپنرز کے آؤٹ ہونے کے بعد شیمین کیمبل نے 22 رنز کی ذمہ دارانہ اننگز کھیلی، تاہم وہ 16ویں اوور میں جارجیا ویرہم کی گیند پر آؤٹ ہوگئیں۔
اس کے بعد انجری کے باوجود 8ویں نمبر پر بیٹنگ کے لیے آنے والی ڈیانڈرا ڈاٹن نے صرف 16 گیندوں پر 4 چوکوں کی مدد سے 26 رنز کی جارحانہ اننگز کھیل کر ٹیم کا مجموعہ 125 رنز تک پہنچانے میں اہم کردار ادا کیا۔
مزید پڑھیں:آئی سی سی ویمنز ٹی 20 ورلڈ کپ: سری لنکا کو نیوزی لینڈ کے ہاتھوں 8 وکٹوں سے شکست
آسٹریلیا کی جانب سے ایشلی گارڈنر، جارجیا ویرہم اور کپتان سوفی مولینیو نے 2، 2 وکٹیں حاصل کیں، جبکہ اینابیل سدرلینڈ نے ایک کھلاڑی کو آؤٹ کیا۔
126 رنز کے ہدف کے تعاقب میں آسٹریلیا نے شاندار بیٹنگ کا مظاہرہ کرتے ہوئے صرف 2 وکٹوں کے نقصان پر 13 اوورز میں ہدف حاصل کر لیا اور 42 گیندیں پہلے کامیابی اپنے نام کر لی۔
Australia has officially reached its 8th T20 World Cup Final, and Ellyse Perry has been the heartbeat of this dynasty from day one.
To play in 10 World Cups is a legendary achievement. To reach the FINALS in 8 of them is simply outer-space behavior. 👽
We are genuinely witnessing… pic.twitter.com/N21gN3ecOr— NikhilPrabhas 🇮🇳 🇫🇷 (@EmmaMyersMogudu) June 30, 2026
آسٹریلیا کی فتح میں اوپنر بیتھ مونی نے مرکزی کردار ادا کیا۔ انہوں نے صرف 36 گیندوں پر آٹھ چوکوں کی مدد سے ناقابل شکست 61 رنز بنائے۔
ایشلی گارڈنر نے بھی 20 گیندوں پر 4 چوکوں اور ایک چھکے کی مدد سے ناقابل شکست 35 رنز کی عمدہ اننگز کھیلی، دونوں نے تیسری وکٹ کے لیے 63 رنز کی ناقابل شکست شراکت قائم کی۔
مزید پڑھیں: کھیل میں بھی سیاست، ویمنز ٹی20 ورلڈ کپ کے میچ میں بھارتی کپتان نے پاکستانی کپتان سے ہاتھ نہ ملایا
ویسٹ انڈیز کی جانب سے چنیل ہنری اور کپتان ہیلی میتھیوز ایک، ایک وکٹ حاصل کر سکیں۔
اس کامیابی کے ساتھ 6 مرتبہ کی عالمی چیمپئن آسٹریلیا نے ویمنز ٹی20 ورلڈ کپ 2026 کے فائنل میں جگہ بنا لی، جہاں اتوار کو لارڈز میں اس کا مقابلہ جنوبی افریقہ یا میزبان انگلینڈ سے ہوگا۔
