اسلام آباد کی تھانہ شہزاد ٹاؤن پولیس نے بڑی کارروائی کرتے ہوئے اسلحے کے زور پر راہزنی، شاپ ڈکیتی اور موٹر سائیکل چوری کی متعدد وارداتوں میں ملوث ایک منظم گینگ کے چھ ارکان کو گرفتار کر لیا۔
ترجمان اسلام آباد پولیس کے مطابق گرفتار ملزمان میں محمد ریحان، اللہ دتہ، حسنین علی، اکبر علی، علی اکبر اور عدیل شامل ہیں۔
یہ بھی پڑھیے اسلام آباد پولیس کی کارروائی، اندھے قتل کا ملزم گرفتار
پولیس نے ملزمان کے قبضے سے لاکھوں روپے مالیت کے 10 چوری شدہ موٹر سائیکل، قیمتی موبائل فون، نقدی اور وارداتوں میں استعمال ہونے والا موٹر سائیکل سمیت اسلحہ اور گولہ بارود بھی برآمد کر لیا ہے۔ جبکہ ملزمان سے مختلف مقدمات میں مطلوب مالِ مسروقہ بھی برآمد ہوا ہے۔
ڈی آئی جی اسلام آباد محمد جواد طارق نے کہا ہے کہ اسلام آباد پولیس منظم اور متحرک جرائم پیشہ گروہوں کے خلاف بڑے پیمانے پر کارروائیاں جاری رکھے ہوئے ہے۔ ان کا کہنا تھا کہ شہریوں کے جان و مال کا تحفظ اسلام آباد پولیس کی اولین ترجیح ہے۔
