وفاقی وزیر داخلہ محسن نقوی نے اعلان کیا ہے کہ آج سے پاکستان بھر کے تمام پاسپورٹ دفاتر میں کیش لیس ٹرانزیکشنز کا نظام باضابطہ طور پر فعال کر دیا گیا ہے جس کے بعد پاسپورٹ درخواست گزاروں کو فیس جمع کرانے کے لیے طویل قطاروں میں کھڑے ہونے یا گھنٹوں انتظار کرنے کی ضرورت نہیں رہے گی۔
یہ بھی پڑھیں: پاسپورٹ نظام میں بڑی اصلاحات کا فیصلہ، مکمل ای پاسپورٹ سسٹم متعارف کرانے کا اعلان
محسن نقوی نے سوشل میڈیا پر اپنے بیان میں کہا کہ یہ اہم اصلاحاتی اقدام وزیراعظم شہباز شریف کی ہدایات پر شروع کیا گیا تھا جسے متعلقہ ٹیم نے کامیابی سے مکمل کر لیا ہے۔
انہوں نے کہا کہ کیش لیس ادائیگی کے نظام کے نفاذ سے سرکاری خدمات کو مزید تیز، شفاف اور عوام کے لیے سہل بنانے میں مدد ملے گی، جبکہ شہریوں کو پاسپورٹ کے حصول کے عمل میں بھی نمایاں سہولت حاصل ہوگی۔
Alhamdulillah, starting today, cashless transactions are operational at all Passport Offices across Pakistan.
Applicants no longer need to stand in long queues or wait for hours to make payments. This important reform was initiated on the directions of Prime Minister Shehbaz… https://t.co/U4ABABSqYb— Mohsin Naqvi (@MohsinnaqviC42) July 1, 2026
وفاقی وزیر داخلہ نے کہا کہ یہ عوامی خدمات میں بہتری کی جانب ایک اور اہم پیشرفت ہے اور مستقبل میں بھی ایسے مزید سنگ میل حاصل کیے جائیں گے۔
مزید پڑھیے: کمزور پاسورڈ آن لائن اکاؤنٹس کے لیے بڑا خطرہ، ماہرین نے خبردار کردیا
محسن نقوی نے پاسپورٹ ڈیپارٹمنٹ کی پوری ٹیم کو اس کامیابی پر مبارکباد دیتے ہوئے ان کی کارکردگی کو سراہا اور کہا کہ وہ اسی جذبے اور محنت کے ساتھ عوامی خدمت کا سفر جاری رکھیں۔
