صدر آصف علی زرداری اور قائم مقام صدر سید یوسف رضا گیلانی نے چین میں شدید بارشوں اور تباہ کن سیلاب کے نتیجے میں ہونے والے جانی و مالی نقصان پر گہرے دکھ اور افسوس کا اظہار کرتے ہوئے چینی قیادت، حکومت اور عوام سے یکجہتی کا اظہار کیا ہے۔
صدر آصف علی زرداری نے چین میں شدید بارشوں اور تباہ کن سیلاب سے ہونے والے جانی و مالی نقصان پر گہرے دکھ اور افسوس کا اظہار کیا ہے۔
“Deeply saddened by the devastating floods and heavy rains affecting our Chinese brothers and sisters. I extend my heartfelt condolences to the families who have lost their loved ones and express Pakistan’s full solidarity with the people of China during this difficult time. Our…
— The President of Pakistan (@PresOfPakistan) July 8, 2026
صدر مملکت نے سماجی رابطے کی ویب سائٹ ایکس پر اپنے پیغام میں متاثرہ خاندانوں سے تعزیت اور ہمدردی کا اظہار کرتے ہوئے کہا کہ اس مشکل گھڑی میں پاکستان چین کی قیادت اور عوام کے ساتھ کھڑا ہے۔
انہوں نے کہا کہ پاکستان اور چین کی آہنی دوستی ہر آزمائش میں مزید مضبوط اور غیر متزلزل ثابت ہوگی۔
دوسری جانب قائم مقام صدر سید یوسف رضا گیلانی نے بھی چین میں شدید بارشوں اور سیلاب کے باعث ہونے والے جانی و مالی نقصان پر گہرے رنج و غم کا اظہار کیا۔
یہ بھی پڑھیں:وزیراعظم شہباز شریف کا چین میں طوفانوں اور شدید بارشوں سے جانی و مالی نقصان پر اظہارِ افسوس
انہوں نے اپنے بیان میں کہا کہ قدرتی آفات کے اس کٹھن وقت میں پاکستان کے عوام اپنے چینی بھائیوں کے غم میں برابر کے شریک ہیں۔ قائم مقام صدر نے اس امید کا اظہار بھی کیا کہ چین اس مشکل صورتحال پر جلد قابو پا لے گا۔
سید یوسف رضا گیلانی نے کہا کہ پاکستان اور چین کی لازوال دوستی ہر مشکل وقت میں مزید مضبوط ہو کر سامنے آتی ہے اور دونوں ممالک ہر آزمائش میں ایک دوسرے کے ساتھ کھڑے رہے ہیں۔
