تائیوان کے دارالحکومت تائی پے کے چڑیا گھر میں مقبول دیو قامت پانڈا ’یوان زائی‘ کی 13ویں سالگرہ نہایت منفرد انداز میں منائی گئی۔
اس موقع پر انتظامیہ نے فٹبال تھیم پر خصوصی دعوت کا اہتمام کیا، جس میں پانڈا کے لیے پسندیدہ خوراک کو خوبصورت انداز میں سجایا گیا۔
یہ بھی پڑھیں: ہوٹل کی انوکھی سروس پر پابندی، ریڈ پانڈا بستر پر نہیں آئے گا
یوان زائی تائیوان میں پیدا ہونے والی پہلی دیو قامت پانڈا ہے۔ وہ اس پانڈا جوڑے کی اولاد ہے جسے چین کے مین لینڈ کی جانب سے تائیوان کو تحفے کے طور پر دیا گیا تھا۔
Birthday cheers for Yuanzai! Turning 13, the beloved giant panda celebrated with a World Cup-themed birthday cake specially crafted by keepers at the Taipei Zoo. pic.twitter.com/TUpZi7G5qd
— China Xinhua News (@XHNews) July 6, 2026
تائی پے چڑیا گھر کے مطابق یوان زائی برسوں سے نہ صرف چڑیا گھر کی سب سے مقبول رہائشی ہے بلکہ مقامی اور غیر ملکی سیاحوں کی بھی خصوصی توجہ کا مرکز بنی ہوئی ہے۔
سالگرہ کی تقریب کے دوران یوان زائی کو فٹبال کی طرز پر تیار کیے گئے خصوصی کیک اور بانس سمیت اس کی پسندیدہ غذائیں پیش کی گئیں۔
سالگرہ کی اس منفرد تقریب کی تصاویر بھی جاری کی گئیں جنہیں شائقین کی جانب سے بھرپور پذیرائی حاصل ہوئی۔
چڑیا گھر کی انتظامیہ کا کہنا ہے کہ اس منفرد تقریب کا مقصد جنگلی حیات کے تحفظ اور دیو قامت پانڈا کے بارے میں عوامی آگاہی کو فروغ دینا بھی ہے۔
