آسٹریلیا نے دوسرے ٹیسٹ میں بنگلہ دیش کو اننگز اور 51 رنز سے شکست دے کر 2 میچوں کی سیریز ایک، ایک سے برابر کردی۔ میچ صرف 2 روز میں مکمل ہوا، جس کے دوران متعدد ریکارڈز بھی قائم ہوئے۔
آسٹریلیا کے فاسٹ بولر مچل اسٹارک نے شاندار کارکردگی کا مظاہرہ کرتے ہوئے میچ میں 10 وکٹیں حاصل کیں۔ انہوں نے پہلی اننگز میں 12 رنز دے کر 6 اور دوسری اننگز میں 39 رنز دے کر 4 وکٹیں حاصل کیں۔
Australia has taken swift revenge on Bangladesh in the shortest test match on Aussie soil in almost a century. pic.twitter.com/R3ewFYlBZh
— 7NEWS Sydney (@7NewsSydney) August 23, 2026
بنگلہ دیش کی ٹیم پہلی اننگز میں صرف 64 رنز پر آؤٹ ہوگئی، جبکہ آسٹریلیا نے اپنی واحد اننگز میں 210 رنز بنائے۔ دوسری اننگز میں بھی بنگلہ دیش کی بیٹنگ نہ سنبھل سکی اور پوری ٹیم 95 رنز پر پویلین لوٹ گئی۔
میچ میں مجموعی طور پر صرف 750 گیندیں کرائی گئیں، جو آسٹریلیا میں کھیلا جانے والا دوسرا مختصر ترین مکمل ٹیسٹ اور کرکٹ تاریخ کا چوتھا مختصر ترین ٹیسٹ بن گیا۔
مزید پڑھیں:سلہٹ ٹیسٹ میں پاکستان کو شکست، بنگلہ دیش نے ٹیسٹ سیریز 0-2 سے جیت لی
واضح رہے کہ بنگلہ دیش نے ڈارون میں کھیلا گیا پہلا ٹیسٹ 9 وکٹوں سے جیت کر آسٹریلیا کے خلاف پہلی مرتبہ اس کی سرزمین پر ٹیسٹ کامیابی حاصل کی تھی، تاہم میکے ٹیسٹ میں آسٹریلیا نے شاندار کم بیک کرتے ہوئے سیریز برابر کردی۔
