نائب وزیراعظم و وزیر خارجہ اسحاق ڈار سے سعودی عرب میں پاکستان کے سفیر نواف سعید احمد المالکی نے ملاقات کی ہے۔
ترجمان دفتر خارجہ کے مطابق ملاقات میں خطے کی تازہ صورتحال اور پاکستان سعودی عرب تعلقات پر تبادلہ خیال کیا گیا۔
H.E. Mr. Nawaf bin Saeed Ahmad Al-Malkiy, Ambassador of the Kingdom of Saudi Arabia to Pakistan @AmbassadorNawaf, called on the Deputy Prime Minister/Foreign Minister, Senator Mohammad Ishaq Dar @MIshaqDar50 , today.
They exchanged views on the latest regional developments… pic.twitter.com/KmcPPbcBqX
— Ministry of Foreign Affairs – Pakistan (@ForeignOfficePk) July 8, 2026
ترجمان نے بتایا کہ ملاقات کے دوران فریقین نے اسلام آباد مفاہمتی یادداشت پر دستخط کے بعد خطے میں پیدا ہونے والی صورتحال پر گفتگو کی اور مذاکرات و سفارتکاری کے فروغ کے لیے مشترکہ کوششیں تیز کرنے کی ضرورت پر زور دیا۔
سعودی سفیر نے خطے میں امن و استحکام کے لیے پاکستان کی مسلسل کوششوں کو سراہتے ہوئے آر-4 فریم ورک اور اسلام آباد مفاہمتی یادداشت میں پاکستان کے کلیدی ثالثی کردار کو بھی خراج تحسین پیش کیا۔
ملاقات میں دونوں رہنماؤں نے باہمی دلچسپی کے تمام شعبوں میں پاکستان اور سعودی عرب کے دوطرفہ تعلقات کو مزید مضبوط بنانے کے عزم کا بھی اعادہ کیا۔
