مدینہ منورہ کے مختلف دیہی فارم گرمیوں کی شاموں میں مقامی افراد اور سیاحوں کی توجہ کا مرکز بن گئے ہیں، جہاں قدرتی ماحول، سرسبز مناظر اور نسبتاً ٹھنڈا موسم لوگوں کو اپنی جانب کھینچ رہا ہے۔
مزید پڑھیں:مدینہ منورہ میں مذہبی امور کی انسپکشن ٹیمیں متحرک، حجاج کرام کی واپسی کا شیڈول جاری
زرعی ماحول اور فصلوں و درختوں کی باقاعدہ آبپاشی کے باعث ان فارموں میں درجہ حرارت نسبتاً کم اور فضا میں نمی زیادہ رہتی ہے، جبکہ کئی فارموں پر کھلی بیٹھکوں میں پنکھوں اور مسٹنگ سسٹم (پانی کی باریک پھوار) کا بھی انتظام کیا گیا ہے تاکہ آنے والوں کو مزید آرام دہ ماحول فراہم کیا جا سکے۔
یہ فارم خاندانوں اور نوجوانوں کے لیے تفریح کا اہم مرکز بن چکے ہیں، جہاں بچوں کے کھیلنے کی جگہیں، کیفے، ریستوران، مقامی کھانوں کے اسٹال اور کھلے سبز میدان موجود ہیں۔ متعدد فارموں پر ثقافتی تقریبات، تفریحی سرگرمیاں اور موسمی پروگرام بھی منعقد کیے جاتے ہیں۔
مزید پڑھیں:مدینہ منورہ میں 1774 مزید آثار دریافت، حضرت عمرؓ سے منسوب نایاب کتبہ بھی سامنے آگیا
حکام کے مطابق مدینہ ریجن میں دیہی سیاحت کے بڑھتے ہوئے رجحان سے زرعی و سیاحتی سرمایہ کاری کو فروغ مل رہا ہے، جبکہ کسانوں، گھریلو صنعت سے وابستہ خاندانوں اور مقامی کاروباری افراد کے لیے نئے معاشی مواقع بھی پیدا ہو رہے ہیں۔
