پاکستان کرکٹ بورڈ (پی سی بی) نے آئی سی سی مینز کرکٹ ورلڈ کپ 2027 کی تیاریوں کے سلسلے میں اہم قدم اٹھاتے ہوئے 4 ٹیموں پر مشتمل ون ڈے ٹورنامنٹ کرانے کا اعلان کر دیا۔
یہ بھی پڑھیں: ہماری کوشش ہے کہ مستقبل میں ویمنز کرکٹ ورلڈ کپ پاکستان میں منعقد ہو، محسن نقوی
اگست میں ہونے والا یہ ایونٹ قومی ٹیم کے لیے باصلاحیت وائٹ بال کھلاڑیوں کے انتخاب اور آئندہ حکمت عملی کی تشکیل میں کلیدی کردار ادا کرے گا۔
The Pakistan Cricket Board (PCB) on Thursday announced that it will hold a four-team One-Day tournament in August ahead of the ICC Men’s Cricket World Cup 2027.#ODItournament #PakistanCricket pic.twitter.com/ComDwEOIZg
— Safety & Security Today (@SSTodayPk) July 9, 2026
پی سی بی کے مطابق یہ ٹورنامنٹ ڈومیسٹک فرسٹ کلاس سیزن سے قبل منعقد ہوگا اور اس کا مقصد کھلاڑیوں کی صلاحیتوں کا جائزہ لینا، بہترین کمبی نیشن تشکیل دینا اور 2027 کے 50 اوورز کے ورلڈ کپ کے لیے مضبوط اسکواڈ کی تیاری کرنا ہے۔
ورلڈ کپ کی تیاری میں تاخیر کی گنجائش نہیں، عاقب جاوید
پاکستان کرکٹ بورڈ کے ڈائریکٹر ہائی پرفارمنس عاقب جاوید نے کہا کہ ورلڈ کپ میں اب تقریباً 18 ماہ باقی ہیں اس لیے تیاریوں کا آغاز اسی وقت سے ہونا چاہیے۔
انہوں نے کہا کہ یہ ٹورنامنٹ محض وارم اپ مقابلہ نہیں بلکہ قومی ٹیم کے ممکنہ کھلاڑیوں کی صلاحیتوں کو جانچنے کا بہترین موقع ہوگا جہاں تمام کھلاڑی سخت اور متوازن مقابلوں میں اپنی کارکردگی دکھائیں گے۔
مزید پڑھیے: پاکستان کرکٹ ٹیم اگلے 2 برسوں میں کب اور کہاں کھیلے گی؟
عاقب جاوید کا کہنا ہے کہ سال 2027 کے ورلڈ کپ تک ہمارے پاس تقریباً ڈیڑھ سال کا وقت ہے اس لیے یہی مناسب وقت ہے کہ ہم اپنی تیاریوں کا آغاز کریں۔
4 متوازن ٹیمیں، ہر کھلاڑی کا کردار پہلے سے طے ہوگا
عاقب جاوید نے بتایا کہ اس ٹورنامنٹ کا منصوبہ قومی سلیکٹرز اور کوچنگ اسٹاف نے مشترکہ طور پر تیار کیا ہے۔
انہوں نے کہا کہ چاروں ٹیمیں متوازن ہوں گی اور پاکستان کے تمام نمایاں وائٹ بال کرکٹرز اس ایونٹ میں حصہ لیں گے۔ ہر ٹیم کی پلیئنگ الیون صرف ناموں کی بنیاد پر نہیں بلکہ ہر کھلاڑی کے مخصوص کردار کو مدنظر رکھتے ہوئے تشکیل دی جائے گی۔
عاقب جاوید نے کہا کہ سلیکٹرز اور کوچز نے مل کر اس 4 ٹیموں کے ٹورنامنٹ کی منصوبہ بندی کی ہے۔ ہر کھلاڑی کو اس کے کردار کے مطابق موقع دیا جائے گا تاکہ ہم مستقبل کے لیے بہترین کھلاڑیوں کا گروپ تشکیل دے سکیں۔
تمام میچز براہِ راست نشر کیے جائیں گے
انہوں نے بتایا کہ شفاف اور مؤثر انتخابی عمل کو یقینی بنانے کے لیے ٹورنامنٹ کے تمام میچز براہ راست نشر کیے جائیں گے۔
عاقب جاوید نے کہا کہ اس سے انتظامیہ کو ہر کھلاڑی کی بیٹنگ، باؤلنگ اور مجموعی کارکردگی کا تفصیلی جائزہ لینے میں آسانی ہوگی جس کی بنیاد پر مستقبل کے لیے مضبوط پلیئر پول تیار کیا جائے گا۔
پاکستان کو ٹاپ فور میں دیکھنا چاہتے ہیں
ڈائریکٹر ہائی پرفارمنس نے واضح کیا کہ پاکستان کی ون ڈے ٹیم کو عالمی درجہ بندی میں ٹاپ فور میں شامل ہونا چاہیے۔
🚨 ONE DAY TOURNAMENT UPDATE 🚨
– The One-Day Challenge Cup is the proposed name for a four-team ODI tournament happening this August.
– Rawalpindi and Lahore are the two proposed venues for the event.
– Every participating team must select an 18-player squad.
– The PCB is… https://t.co/6YgfzZ3WH9
— Mian Ahmad (@aHmADmIaN150) July 7, 2026
انہوں نے کہا کہ پاکستان کی ون ڈے ٹیم کا دنیا کی بہترین 4 ٹیموں میں ہونا ضروری ہے۔ اس سے کم کوئی بھی پوزیشن ہمارے لیے قابل قبول نہیں۔ ہم عالمی رینکنگ میں نمایاں بہتری لانے کے لیے پرعزم ہیں۔
مزید پڑھیں: پاکستان کرکٹ ٹیم کے غیرملکی کوچز اپنی مدت پوری کیوں نہیں کر پاتے؟
پی سی بی کا ماننا ہے کہ یہ 4 ٹیموں پر مشتمل ٹورنامنٹ نہ صرف قومی ٹیم کے ممکنہ کھلاڑیوں کی صلاحیتوں کو نکھارنے میں مدد دے گا بلکہ 2027 کے آئی سی سی کرکٹ ورلڈ کپ کے لیے مضبوط اور متوازن اسکواڈ کی تشکیل کی بنیاد بھی ثابت ہوگا۔
