پاکستان کے مایہ ناز سابق فاسٹ بولر محمد عامر کو انگلینڈ کی معروف کرکٹ لیگ ’دی ہنڈریڈ‘ کے سال 2026 کے سیزن کے لیے سائن کر لیا گیا ہے، جہاں وہ برطانوی پاسپورٹ کے حامل ہونے کی وجہ سے بطور مقامی کھلاڑی میدان میں اتریں گے۔
Happy to be part of trent rockets 🚀 🙌 😎. pic.twitter.com/jW6OrfirVc
— Mohammad Amir (@iamamirofficial) July 10, 2026
ڈیوڈ پین کی جگہ اسکواڈ میں شامل
میڈیا رپورٹس کے مطابق محمد عامر کا معاہدہ ’ٹرینٹ راکٹس‘ کے ساتھ ہوا ہے۔ انہیں آسٹریلوی فاسٹ بولر ڈیوڈ پین کی جگہ اسکواڈ کا حصہ بنایا گیا ہے۔ ڈیوڈ پین کی عدم دستیابی کے بعد ٹرینٹ راکٹس انتظامیہ نے تجربہ کار پاکستانی بولر کے نام پر مہر لگائی۔
یہ بھی پڑھیں:محمد عامر برطانوی پاسپورٹ ملنے کے بعد نوٹنگھم شائر میں شامل، مقامی کھلاڑی کے طور پر کھیلیں گے
برطانوی پاسپورٹ کا بڑا فائدہ
اس بار محمد عامر کے لیے سب سے اہم اور منفرد بات ان کا برطانوی پاسپورٹ ہے۔ برطانوی شہریت ملنے کے بعد وہ اب اس لیگ میں ’اوورسیز‘ (غیر ملکی) کھلاڑی کے بجائے ایک ’ڈومیسٹک‘ (مقامی) کھلاڑی کی حیثیت سے نمائندگی کریں گے، جس سے ان کی ٹیم کو غیر ملکی کھلاڑیوں کے کوٹے میں بھی آسانی رہے گی۔
محمد عامر کا سوشل میڈیا پر ردعمل
ٹرینٹ راکٹس کا حصہ بننے پر فاسٹ بولر محمد عامر نے گہری خوشی کا اظہار کیا ہے۔ انہوں نے سوشل میڈیا پلیٹ فارم ’ایکس‘ (سابقہ ٹوئٹر) پر اپنے ایک مختصر پیغام میں ٹیم میں شمولیت پر مسرت کا اظہار کرتے ہوئے آنے والے سیزن کے لیے اپنے عزم کا اعادہ کیا۔
