عالمی شہرت یافتہ پاکستانی گلوگار راحت فتح علی خان نے بھارتی سینئر اداکارہ نیتو کپور کی فرمائش پوری کر دی۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ نیتو کپور نے اسٹوری اپ ڈیٹ کی اور موسیقار راحت فتح علی خان کا ان کی پسند گے گیت ’میں جہاں رہوں‘ پر پرفارم کرنے پر شکریہ ادا کیا۔
بھارتی چاکلیٹی ہیرو رنبیر کپور کی والدہ، سینئر اداکارہ نیتو کپور نے انسٹا اسٹوری میں راحت فتح علی خان کے لیے لیجنڈ کے الفاظ استعمال کرتے ہوئے ان کی تعریف کی۔
جبکہ راحت فتح علی خان نے پروگرام میں شرکت پر نیتو کپور کا شکریہ ادا کیا اور ماضی میں رشی کپور اور نیتو کپور کے سنگیت کے موقعے پر نصرت فتح علی خان کی پرفارمنس کو بھی یاد کیا۔
یاد رہے کہ حال ہی میں راحت فتح علی خان نے دبئی میں پاکستان کی مشہور کاروباری شخصیت کی جانب سے منعقد کئے گئے شو میں پرفارم کرکے مداحوں کے دل جیت لئے تھے۔
