جمعیت علمائے اسلام (ف) کے سربراہ مولانا فضل الرحمان کے فوجی جوانوں کی قربانی سے متعلق بیان پر ردعمل کا سلسلہ جاری ہے۔ اسپیکر پنجاب اسمبلی ملک محمد احمد خان اور تجزیہ کار فہیم گوہر بٹ نے ان کے بیان پر سخت تنقید کی ہے۔
مزید پڑھیں: فوجی جوان محض تنخواہ کے لیے جان نہیں دیتے، شہدا کی قربانی کو تنخواہ سے جوڑنا غیرمنصفانہ ہے، خواجہ آصف
اسپیکر پنجاب اسمبلی ملک محمد احمد خان نے اپنے بیان میں کہا کہ ’ذرا ہوش سنبھال کر بات کریں، یہ فوج ہمارے ماتھے کا جھومر ہے۔ اس فوج کا ایک ایک جوان دہشتگردوں اور دشمنوں کا مقابلہ کرتے ہوئے ہماری حفاظت اور ملک کی خاطر اپنی جانوں کا نذرانہ پیش کرتا ہے۔‘
انہوں نے کہا کہ پاکستان کی مسلح افواج نے ہمیشہ مادرِ وطن کے دفاع، دہشتگردی کے خلاف جنگ اور ملکی سلامتی کے لیے بے مثال قربانیاں دی ہیں، جنہیں پوری قوم قدر کی نگاہ سے دیکھتی ہے۔ ان کے بقول پاک فوج، شہدا اور سپہ سالار پوری قوم کے لیے باعثِ فخر ہیں۔
’اگر آپ سمجھتے ہیں کہ پیسہ اتنا اہم ہے تو کروڑ روپے لے کر اپنا بیٹا بھیج کر دکھائیں، لڑ کر دکھائیں‘۔
اسپیکر پنجاب اسمبلی اور فہیم گوہر بٹ کی مولانا فضل الرحمان پر شدید تنقید@KhawajaMAsif @juipakofficial @KulAalam @HussainAhmedCh8 @OfficialDGISPR pic.twitter.com/7UiZHspJfR— Media Talk (@mediatalk922) July 14, 2026
ملک محمد احمد خان نے مزید کہا کہ قومی اداروں کے احترام، اتحاد اور یکجہتی ہی سے پاکستان کو درپیش چیلنجز کا مؤثر مقابلہ کیا جا سکتا ہے، جبکہ قومی مفادات، ملکی خودمختاری اور پاکستان کے وقار پر کوئی سمجھوتا نہیں کیا جا سکتا۔
مزید پڑھیں: پاکستان اور کشمیر کا تعلق لازوال، میرے بیان کو توڑ مروڑ کر پیش کیا جارہا ہے، خواجہ آصف کی وضاحت
پیسہ اتنا اہم ہے تو کروڑ روپے لے کر اپنا بیٹا بھیج کر دکھائیں، لڑ کر دکھائیں‘
دوسری جانب فہیم گوہر بٹ نے بھی مولانا فضل الرحمان کے بیان پر ردعمل دیتے ہوئے کہا، ’اگر آپ سمجھتے ہیں کہ پیسہ اتنا اہم ہے تو کروڑ روپے لے کر اپنا بیٹا بھیج کر دکھائیں، لڑ کر دکھائیں‘۔ انہوں نے مولانا فضل الرحمان کو مارشل لا کا ’سب سے بڑا سپورٹر‘ بھی قرار دیا۔
واضح رہے کہ یہ ردعمل مولانا فضل الرحمان کے اس بیان کے بعد سامنے آئے ہیں جس میں انہوں نے فوجی جوانوں کی قربانی اور تنخواہ کے حوالے سے گفتگو کی تھی۔
