ایران کے دارالحکومت تہران کے مرکزی اسلامی انقلاب اسکوائر میں امریکی صدر ڈونلڈ ٹرمپ کو تابوت میں دکھانے والا ایک بڑا بل بورڈ نصب کر دیا گیا ہے، جس پر انگریزی زبان میں ’We Kill Trump‘ (ہم ٹرمپ کو قتل کریں گے) کا پیغام بھی درج ہے۔ یہ پیش رفت ایسے وقت میں سامنے آئی ہے جب امریکا اور ایران کے درمیان کشیدگی میں مزید اضافہ ہو رہا ہے۔
امریکی خبر رساں ادارے اے پی کے مطابق تہران کے اسلامی انقلاب اسکوائر میں نصب کیے گئے اس دیوقامت بل بورڈ میں امریکی صدر ڈونلڈ ٹرمپ کو تابوت میں لیٹا ہوا دکھایا گیا ہے، جبکہ تصویر پر گرافٹی انداز میں متعدد نعرے بھی تحریر کیے گئے ہیں۔
Huge crowds in Mashhad ahead of Ayatollah Ali Khamenei’s burial held up a large red banner reading, “We will kill Trump.”
Thursday’s burial at the country’s holiest shrine marks the culmination of a week of mass funeral processions and rallies. pic.twitter.com/21PabC9yEj
— Al Jazeera English (@AJEnglish) July 9, 2026
بل بورڈ پر انگریزی زبان میں ’We Kill Trump‘ کا جملہ نمایاں طور پر درج ہے۔ یہ بل بورڈ ایران کے سپریم لیڈر آیت اللہ علی خامنہ ای کی آخری رسومات کے دوران امریکی صدر کے قتل کے مطالبات سامنے آنے کے چند روز بعد نصب کیا گیا ہے۔
یہ بھی پڑھیں:کیا ڈونلڈ ٹرمپ کا دماغ ٹھکانے پر ہے؟ رپورٹ کل آجائے گی
رپورٹ کے مطابق یہ اقدام ایسے وقت میں کیا گیا ہے جب امریکا اور ایران کے درمیان کشیدگی عروج پر ہے۔ اس ہفتے امریکی افواج نے ایرانی فوجی اہداف پر متعدد حملے کیے، جبکہ ایران کی بندرگاہوں پر بحری ناکہ بندی بھی برقرار رکھی گئی ہے۔
